Партизан Заболоцкай совхоз үбүлүөйдээх 50 сыла

Бу дьыл кулун тутар 22 күнүгэр улууспут киинигэр Бороҕоҥҥо Күлүмнүүр аатынан култуура дыбарыаһыгар оройуон 15 отделениета холбоһон, үс бөдөҥ сопхуос буолбут – Танда, Тиит Арыы, Бээрийэ, Түүлээх эҥээр Герой Егоров, Лөгөй сиригэр Кэптэни, Тулуна, Уһун Күөл, Баатаҕай, Хомустаах – Партизан Заболоцкай аатынан уонна билиҥҥи Дүпсүн, Бээди, Өнөр, Найахы, Чэриктэй, Өспөх эҥээр “Дүпсүн” сопхуос буолан тэриллибиттэрэ үбүлүөйдээх 50 сылларыгар анаммыт дьоро күҥҥэ киппэ көрүҥнээх, күүстээх үлэҕэ эриллибит чэрдээх илиилээх кыырыктыйбыт баттахтаах үгүс үлэ бэтэрээннэрэ муһуннулар, ааспыты ахтыстылар уонна тыа хаһаайыстыбатын үлэтигэр ааспыт 2023 сыл түмүгүнэн сыл бастыҥнарын чиэстээтилэр.

Подробнее...

Н.Н. Тарскай үбүлүөйүнэй тэрээһиннэриттэн...

Бу дьыл кулун тутар 21 күнүгэр Н.Н. Тарскай төрөөбүтэ 100 сылынан туруоруллуохтаах спектакль сүбэ мунньаҕар Тумул нэһилиэгэр ыалдьыттаатыбыт. Үбүлүөйүнэй хамыһыйаттан нэһилиэк баһылыга Белолюбскай М.М., улуус мунньаҕын депутата Троев А.Я., спектакль автора, суруналыыс Сыроватскай И.И., кыраайы үөрэтээччи, ветеран педагог Троева В.И., Н. Тарскай аймаҕа Мордовская Н.И. буолан Тумул нэһилиэгин баһылыга Алексеев В.П. кыттыылаах, "Түмсүү" СК иһинэн үлэлиир "Айыллан" норуот театрын артыыстарын, режиссерун Макаров А.А. кытары остуол тула олорон кэпсэттибит, ырытыстыбыт. 

Подробнее...

Республикатааҕы I лига дьахталларга волейбола

Бу дьыл кулун тутар 13-17 күннэригэр улууспут киинигэр Бороҕоҥҥо Н.Н. Тарскай төрөөбүтэ 100 сылынан кини аатынан Спорт дыбарыаһыгар республикатааҕы  дьахталларга I лига  волейбола ыытылла турар. Ол курдук, күн бэҕэһээ кулун тутар 13 күнүгэр улуустааҕы кииннэммит библиотека тиһигэ, Баатаҕайдааҕы олохтоох библиотека уонна Н.Н. Тарскай аатынан"Спорт Албан аата" музей фондаларыттан быыстапка турда. 

Подробнее...

Н.Н. Тарскай 100 сылыгар аналлаах конференция ыытылынна

Кулун тутар 5 күнүгэр 2024 с. Баатаҕай орто оскуолатыгар государственнай уонна общественнай деятель, Саха сиригэр физкультурнай хамсааһыны төрүттээбит Н.Н. Тарскай 100 сылыгар аналлаах I республиканскай, V улуснай научнай-практическай конференция ыытылынна. Конференцияҕа улуус үөрэҕин салалтата, нэһилиэк, оскуола салалтата, Н.Н. Тарскай сиэнэ Кулагина Л.А., аймаҕа Мордовская Н.И. ыҥырыылаах ыалдьыт буолан кыттыыны ыллылар.

Подробнее...