"Биһиги Киэсэбит" кинигэ биһирэмэ
Бу дьыл балаҕан ыйын 19 күнүгэр Баатаҕайдааҕы "Түмэн" НАК олоҕун тиһэх күннэригэр дылы төрөөбүт нэһилиэгэр олорбут, үлэлээбит Иннокентий Илларионович Пестерев туһунан кинигэ сүрэхтэниитин биһирэмэ буолан ааста. Тэрээһини иилэээн-саҕалаан ыыттылар эдьиийэ, педагогическай үлэ ветерана Румянцева К.И. уонна НАК коллектива.
Кинигэ ааҕааччы киэҥ араҥатыгар ананар. Дьокуускай куорат "ОФСЕТ" тэрилтэтигэр бэчээттэнэн таҕыста, барыта 60 экз. Кинигэ автора - СӨ үөрэҕириитин туйгуна, И.И. Пестерев эдьиийэ Румянцева Ксения Иннокентьевна. Халыҥ переплеттаах, кинигэ хас биирдии сирэйэ глянцевай материалтан таҥыллан, онно сөптөөх хартыыналар, ахтыылар, хаартыскалар тиһиллэн биир киһи олоҕун, кини майгытын чопчу арыйан биэрэллэр.
Тэрээһиҥҥэ аймахтара, доҕотторо, чугас ыаллара, бииргэ үлэлээбит коллегалара кыттыыны ыллылар. Кэлбит дьон Иннокентий Илларионович туһунан истиҥник ахтан-санаан аастылар, аралдьытар оонньууларга оонньоотулар, минньигэс астаах остуол тула сэһэргэһэн тарҕастылар. Автор Румянцева К.И. быраатын туһунан кинигэтигэр көмөлөспүт, ахтыы биэрбит дьоҕҕо истиҥник махтанна.
