Уһуйаан оҕолоругар Саха сирин туһунан
Төрөөбүт тыл, сурук-бичик күнүн чэрчитинэн олунньу 11 күнүгэр Баатаҕайдааҕы "Күнчээн" оҕо уһуйаанын орто, улахан, бэлэмнэнии бөлөх иитиллээччилэригэр "Таптыыр дойдум Саха сирэ" сырдатар, билиһиннэрэр аралдьытыы тэрилиннэ.
Онуоха, оҕолорго олохтоох библиотека сэб. Пермякова А.П. Саха сирин туһунан, бу дойдуга үөскүүр харамайдары, сиртэн хостонор баайын, онно хас улуус киирэрин картаҕа көрдөрөн кэпсээтэ. Оҕолор остуол тула олорон Саха сирин картатын хомулук нөҥүө таҥнылар уонна тустаах улуустарга гербэлэрин, ойууларынан көрөн наардаатылар. Хомулугу олуһун биһирээтилэр, астыннылар.
