Муус устар 27 күнэ - Өрөспүүбүлүкэ күнэ!
Саха Өрөспүүбүлүкэтэ буолбуппут 104 сылыгар Баатаҕай нэһилиэгэр орто оскуола үөрэнээччилэригэр "Таптыыр дойдум - Саха сирэ" диэн библиотечнай уруок ыытылынна. Өрөспүүбүлүкэбит төрүттэниитин, кимнээх турууласпыттарын, сүрүн символларын, сирин-уотун, баайын, бастакы президеммит М.Е. Николаев тустарынан сиһилии билистилэр. Бу күн сахалыы саҥаны үрдүктүк тутан уруокка бары ийэ тылбытынан кэпсэттибит, "Мин кимминий?" остуол оонньуутун оонньоотубут.
Маны сэргэ, нэһилиэк олохтоохторугар "Айыы балаҕаныгар" өрөгөй күммүтүн бэлиэтээри муһуннубут. Кэлбит ыалдьыттары алгыстаах алаадьынан "Түмэн" НАК үлэһиттэрэ айах туттулар, нэһилиэк баһылыгын эҕэрдэтэ этилиннэ. "Мин нэһилиэгим - улууһум историятыгар" улуустааҕы култуура бэстибээлин чэрчитинэн ыытыллыбыт 1930-54 сс. нэһилиэк историятын сырдатар дакылааты иһиттибит. Дакылааты билиһиннэрдэ олохтоох библиоека сэб. Пермякова А.П. Ол кэннэ кэтэхтэн сахалыы муннук күрэһин кытыылаахтарын хаартысканан үлэлэрин көрдүбүт.
