Алын сүһүөх кылааһы бүтэрэр выпуск марафона биллэрилиннэ!

Муус устар 15 күнүгэр Н. Н. Тарскай аатынан Баатаҕай орто оскуолатын 4 кылааһы бүтэрэр үөрэнээччилэргэ, быйылгы үөрэх дьылын түмүктүүр "Кубок Выпуска - 2022" диэн марафон биллэрилиннэ. Кылаас салайааччыта Готовцева Светлана Дмитриевна олохтоох библиотеканы кытта кыттыһан, бу марафону иилээн-саҕалаан ыытыахтара. Марафон Саха АССР төрүттэммитэ 100, Россияҕа норуоттар культураларын, үөрэхтээһин эйгэтигэр биллэриллибит Ааҕыы, улууска биллэриллибит Бэриниилээх буолуу сылларыгар уонна быйыл ыытыллар VIII спортивнай оонньууларга туһуланан ис барыла оҥоһулунна. Марафон ыам ыйын 20 күнүгэр түмүктэниэҕэ. 

Алын сүһүөх кылааһы бүтэрэр оҕолор бу марафоҥҥа өй күрэҕэр, өбүгэ хамсаныыларыгар, остуол оонньууларыгар, дьоҕуру көрдөрүүгэ, ааҕыыга угуйууга уонна бырайыак оҥоруутугар күөн көрсүөхтэрэ. Оҕолорго ситиһиилэри баҕарабыт!