Саха АССР 100 сылынан биир кэлим уруок ыытылынна
Муус устар 22 күнүгэр Н. Н. Тарскай аатынан Баатаҕай орто оскуолатын орто уонна улахан сүһүөх кылааһын оҕолоругар Саха АССР төрүттэмитэ 100 сылынан биир кэлим уруок ыытылынна. Уруогу Саха Республикатын Национальнай библиотеката көҕүлээтэ. Республикабыт 100 сылын көрсө уруок сүнньүнэн Сахабыт сирин 100 чахчыларын тобуларга туһуланна. 80 чахчыны республика, 20 чахчыны олорор улууспут, нэһилиэкпит тустарынан сырдатарга холоннобут.
Бу уруок оҕолор интэриэстэрин тарта, кинилэр Сахабыт сирин историятын, айылҕатын, культуратын туһунан элбэҕи биллилэр, үгүһү сэҥээрдилэр. Олорор нэһилиэкпит туһунан 10 чахчыны бэйэлэрэ толкуйдаан, тобулан эттилэр.
