Мария Константиновна Федорова үбүлүөйдээх 85 сыла

Баатаҕай нэһилиэгэ быйылгы дьылга биир дойдулаах үс үбүлүөйдээх дьоннордоохпут: биллэр учуонай-историк, ССРС Наукаларын Академиятын Сибиирдээҕи салаатын үтүөлээх ветерана, Саха Сирэ Аҕа дойду сэриитигэр кыттыытын чинчийбит Дмитрий Дмитриевич Петров 100, библиотечнай үлэ ветерана, өр сылларга библиотекарынан үлэлээбит Мария Константиновна Федорова 85, Саха Республикатын култууратын туйгуна Семен Федорович Сивцев 70 сылларын бэлиэтээри олоробут.
Бу бэлиэ күннэр чэрчитинэн, бүгүн орто оскуола 1 уонна 3 кылааһын үөрэнээччилэригэр оскуола библиотекара Дмитриева С. С. үбүлүөйдээх ветераммыт М. К. Федорова туһунан бэсиэдэ ыытта. Оҕолор болҕомтолоохтук иһиттилэр, саҥаны биллилэр, кылгас хоруйдарга эппиэттээтилэр.
Уопсайынан, үбүлүөйдээх дьоммутугар былааннаммыт үлэлэр түмүктэнэллэрэ икки ыйы кыайбат хаалла. Сыл устата араас сүбэлэр, үйэтитии үлэлэр, өйдөбүнньүк уруоктар ыытылыннылар, араас таһымнаах күрэхтэргэ, бэлиэ тэрээһиннэргэ бэлэмнэнии үлэлэрэ бара тураллар.