Пионерия күнүнэн!
Ытыктабыллаах ветераннарбыт!
Эһигини Пионерия күнүнэн М. К. Федорова аатынан Баатаҕай библиотекатын коллектива итиитик-истиҥник эҕэрдэлиибит!
Хас биирдии пионер баһаатайыгар аалай кыһыл хаалтыстаах, горн, барабан ньиргиэрдээх пионерскай сбордар, кутаа тула түмсүүлэр күн бүгүнүгэр диэри умнуллубаттар, өйгө-санааҕа үтүө өйдөбүл буолан хатана сылдьаллар. Дьону, оҕолору түмэ тардан кыһамньылаах уонна сатабыллаах үлэни тэрийбиккит, биир санаанан салайтаран үгүс үтүө хамсааһыны саҕалаабыккыт. Ол күн бүгүнүгэр диэри умнуллубат, аныгы ыччаты үлэҕэ көҕүлүүргэ бигэ тирэх, өйөбүл буолар. Эдэр көлүөнэ дьон – кэнчээри ыччаты иитиигэ күннэтэ кыһаллар оҕо түмсүүтүн салайааччылара, тэрийээччи-педагогтар уруккуну умнубакка, пионерия үтүө үгэһигэр тирэҕирэн айымньылаахтык үлэлииллэр, оҕо хамсааһынын саҥа таһымҥа таһаарарга дьулуһаллар.
Ыам ыйын 19 күнэ – Пионерия күнэ – үтүө үгэс буолан элбэх көлүөнэ ыччаты сыллата ахсын түмэр. Билигин, урукку курдук, хас оскуола ахсын оҕо тэрилтэлэригэр үөрүүлээх линейкалар, коммунарскай сбордар, станциянан оонньуулар, тимуровскай үлэлэр, костердар, оҕо тэрилтэтин кэккэтигэр ылыы тэрээһиннэрэ ыытыллаллар, кэлиҥҥи сылларга быдан суолталанан, сөргүтүллэн эрэллэр. Бу – көлүөнэ икки ардыгар ситим уонна ытыктабылах сыһыан баарын туоһута!
Үүнэр көлүөнэ аатыттан холобур оҥостор ытык-мааны аҕа көлүөнэ дьоммутун үтүө сыһыаҥҥыт, сүбэҕит-амаҕыт, кэрэҕэ уһуйуугут, истиҥ кыһамньыгыт иһин барҕа махталбытын тиэрдэбит!
Пионерия историятын туһунан кэлэр хартыыналартан билсэргитигэр ыҥырабыт.