"Ааҕыы күүһэ" акция
Сылын аайы Саха Республикатын Национальнай библиотеката көҕүлүүр өрөспүүбүлүкэтээҕи "Ааҕыы күүһэ" акция быйыл Ийэ сылын чэрчитинэн ыытылынна. Бу акция биһиги өрөспүүбүлүкэбитигэр номнуо 4-с сылын тэриллэн ыытылынна. Акция сүрүн сыала - ааҕыныы көҕүлээһин буолар. Олорор сиргинэн биллэр-көстөр, үрдүкү сололоох, тумус туттар дьону ыҥыран, кинилэр сөбүлүүр айымньыларын аахтарыы диэн суолталаах ыытыллар.
Н. Н. Тарскай аатынан Баатаҕай орто оскуолатын үөрэнээччилэригэр бу акция икки күн устата аттарыллан ыытылынна. Манна Ийэ сылынан, эдэр ийэ, нэһилиэк социальнай үлэһитэ Вера Михайловна Белолюбская алын кылаас үөрэнээччилэригэр, үрдүкү кылаастарга улахан дьиэ кэргэн ийэтэ, оскуола библиотекара Светлана Семеновна Дмитриева суруйааччылар айымньыларын аахтылар. Бу акцияҕа барыта 42 оҕо кыттыыны ылла. Айымньылары аахпыт ийэлэргэ, ааҕыына истибит үөрэнээччилэргэ Саха Республикатын Национальнай библиотекатын анал туоһа суруктара туттарылыннылар.
