Учуутал күнүнэн!💐
Билии-көрүү киэҥ аартыгар сиэтэн киллэрэр, сырдыкка сирдиир, үтүөҕэ-кэрэҕэ угуйар күндү учууталларбытын идэлээх бырааһынньыккытынан итиитик-истиҥник ис сүрэхтэн эҕэрдэлиибит! 
Сыралаах үлэҕит таһаарыылаах, үтүө түмүктээх буоллун. Мэлдьи ситиһии эрэ эҥээрдэстин, куруук дьол-соргу эрэ тосхойдун.
Бүгүн Н. Н. Тарскай аатынан Баатаҕай орто оскуолатын учууталларыгар нэһилиэк ытык - кэрэ миэстэлэринэн экскурсия ыытылынна. Бу экскурсияна орто оскуола директора Алеанна Алексеевна Бурнашева иилээн-саҕалаан тэрийдэ. Кыайыы болуоссатын тохтобулугар учууталларга нэһилиэкпит Герой Ийэлэрин, үлэ стахановецтарын, нэһилиэк Бочуоттаах үлэһиттэрин, сэрии, тыыл ветераннарын билиһиннэрии чааһа ыытылынна. Маннык тэрээһиннээх билсиһии чаастара өрүүтүн да тэриллэ, ыытылла турдуннар.
