Сэтинньи 11 күнэ - Хабылык күнэ!
Өрөспүүбүлүкэбитигэр номнуо үгэскэ кубулуйан ыытыллар Хабылык күнүн нэһилиэкпитигэр өрө күүрүүлээхтик бэлиэтээтибит. Ол курдук, сэтинньи 11 күнүгэр олохтоох дьаһалта уонна Е. Ф. Габышев аатынан улуустааҕы Оҕо спортивнай оскуолатын тренерэ, өбүгэ оонньууларын тарҕатааччы Николай Адамович Николаев көҕүлээһиннэринэн Хабылык күрэҕэ тэриллэн ыытылынна.
Быйылгы күрэххэ орто оскуола үөрэнээччилэрэ спортивнай кулууптарынан арахсан күрэхтэстилэр. Былыргылыы хабылык оонньуутун быыбардыыр уокуругтар олохтоохторугар биирдиилээн кыайыы иһин, хабылык эстафетатыгар нэһилиэк тэрилтэлэрин хамаандалара күөн көрүстүлэр. Тэрилтэлэргэ уопсайа үс хамаанда кииристэ: орто оскуола, олохтоох дьаһалта уонна култуура эйгэтин үлэһиттэрэ. Эстафета түмүгэр 1 м. - орто оскуола, 2 м. - култуура эйгэтин үлэһиттэрэ, 3 м. - олохтоох дьаһалта хамаандалара буоллулар.
Маннык күрэхтэр, тэрээһиннэр инникитин да кэрэхсэбили, биһирэбили ыла турдуннар!
