Баатаҕайга Библиосумерки күнэ.
Ыам ыйын 27 күнүгэр дойду үрдүнэн библиотекарь күнүн бэлиэтиибит. Бу бэлиэ күн чэрчитинэн хас биирдии библиотека Библионочь, Библиосумерки тэрээһиннэри сылын ахсын ыытар. Ол курдук, Баатаҕай олохтоох библиотеката "Библиосумерки - 2023" тэрээһини ыытта.
Быйылгы тэрээһин #Бииргэааҕыахха диэн сүрүн соругунан ыытылынна. Онуоха орто оскуола үөрэнээччилэригэр бастакынан "Кинигэ - билии төрдө", "Есть чудо на земле с названием дивным - КНИГА" ааҕар кинигэлэри билиһиннэрэр быыстапка турда. Сайыҥҥы уһун сынньалаҥ кэмигэр оҕолор ханнык кинигэлэри ааҕыахтарын сөбүн, саҥа кинигэлэр тустарынан кинигэ обзорун билиһиннэрдибит. Төгүрүк остуол тула олорон ааҕыы туһунан санаа атастаһыыта, үгүс оҕо электроннай кинигэлэри, тас дойду комикстарын ааҕалларын иһитиннэрдилэр.
Иккиһинэн, биһиги өрөспүүбүлүкэбитигэр V сылын ыытыллар "Ааҕыы күүһэ" акция тэрилиннэ. Быйыл педагог уонна наставник сылыгар орто оскуола учуутала, библиотекара Дмитриева С.С. ааҕааччынан кытынна. Кини бэйэтэ оҕо сылдьан саамай сөбүлээн аахпыт геройун = Павлик Морозов туһунан кэпсээтэ, билиһиннэрдэ.
Бүтэһик тэрээһининэн оҕолор хамаанданан арахсан квест оонньууга кытыннылар. Бу оонньуу сүрү сорудахтарынан буолла: библиотечнай терминнары билсии уонна таайыы, мүнүүтэҕэ ааҕыы, остуоруйаны сахалыы тылынан кэпсээһин, остуоруйалары, ребустары таайыы. Бииртэн биир интэриэһинэй сорудахтары оҕолор улгумнук толорон, акцияҕа кыттыспыттарын туһунан туоһу суруктары ылан, үөрэнэ-көтөн тарҕастылар.
