I өрөспүүбүлүкэтээҕи НПК

Бу дьыл ахсынньы 14 күнүгэр Н.Н. Тарскай аатынан Баатаҕай орто оскуолатын базатыгар историческай наука кандидата Дмитрий Дмитриевич Петров 100 сылыгар анаммыт "Үтүө аата умнуллубат" үөрэнээччилэргэ I өрөспүүбүлүкэтээҕи кэтэхтэн научнай-практическай конференция тэриллэн ыытылынна.

Оскуола иһинэн "Уолан" уолаттар бөлөхтөрө Д.Д. Петров туһунан монтаж ааҕан НПК торжественнай чааһын арыйдылар. Үөрүүлээх быһыыга-майгыга улууспут үөрэҕин салалтата, нэһилиэкпит дьаһалтата, Д. Д. Петров оҕолоро, аймахтара кыттыыны ыллылар, эҕэрдэ тылларын эттилэр, конференция кыттыылаахтарыгар ситиһиини баҕардылар. 

НПК биэс секциянан үлэлээтэ, конференцияҕа уопсайа 11 улуустан 44 үөрэнээччи кыттыыны ылла.