 |
Батагайская сельская библиотека - филиал №1 им. М.К. Федоровой
|
 |
 |
|
1917-1990
Мария Дмитриевна 1917 с. Баатаҕай нэһилиэгин Андылаах алааһыгар төрөөбүтэ. Кини аҕата Баатаҕайга саха төрүт дьарыгын, тимиртэн уһаныыны дьиҥнээхтик удьуордаан баһылаабыт Дмитрий Иванович Готовцев - Миичэкэ уус буолар. Ийэтэ – Сивцева Матрена Григорьевна диэн Найахы нэһилиэгин Кууканньаларыттан төрүттээх дьахтар этэ.
1900-1983
Биһиги нэһилиэкпитигэр сытыы-хотуу, быһый атахтаах дьахталлар бааллара. Аманатова Мария Никифоровна – Куллараан, Готовцева Мария Дмиртиевна – Улахан Маайа, Попова Матрена Кузьминична, Сивцева Розалия Михайловна уо.д.а.
Саамай былыргы сүүрүк дьахтарынан Аманатова Мария Никифоровна буолар. Кини 1900 с. 2-с Хомустаах Үүнэр учаастагар төрөөбүтэ.
1948-2017
Розалия Михайловна 1948 с. олунньу 25 күнүгэр Уус Алдан оройуонун Баатаҕай нэһилиэгэр төрөөбүтэ.
1967 с. Найахы орто оскуолатын бүтэрээт, кэргэн тахсыбыта. СГУ ИФФ РО-ҕа ситиһиилээхтик туттарсан, студентка буолбута. 1968 с. кыыс оҕоломмуттара. 1976 с. Дьокуускайдааҕы культпросвет училище библиотечнай отделениетын кыһыл дипломнаах үөрэнэн бүтэрбитэ.
Биһиги эдьиийбит бастакы оҕо буолан, барыны бары сатыыр, кыайар: кыра эрдэҕиттэн күөрчэҕи да оҥорор, ынаҕы да ыыр, үчүгэйдик баайара, быыстапкалыыра, иистэнэрэ.
1935-2001
Матрена Кузьминична 1935 с. Уус Алдан оройуонун Баатаҕай нэһилиэгэр төрөөбүтэ. Чараҥай 7 кылаастаах, Дүпсүн оскуолаларыгар үөрэммитэ. Оскуолаҕа үөрэнэр сылларыгар Матрена хайыһарынан дьарыктанара, быраатынаан Сенялыын. Дүпсээ оскуолатыгар үөрэнэ сылдьан, хайыһарынан Чараҥайтан кэлэн ас оҕото ылан бараллара. Оччолорго аҕалара Попов Кузьма Петрович, Баатаҕай олохтооҕо, холкуостаах, Бухатыырап диэн таптал ааттаах, улахан кыыһынан Настялыын онно үлэлииллэр эбит этэ.
1934-2016
Бурцева (Сивцева) Татьяна Петровна 1934 сыллаахха атырдьах ыйын 14 күнүгэр Бааата5ай нэһилиэгин Куталаах алааһыгар элбэх о5олоох дьиэ кэргэңңэ 5 о5онон төрөөбүтэ. Чараңай сэттэ кылаастаах оскуолатыгар 8 сааһыгар киирбитэ. Алын кылааска икки сыл физкультура5а Тарскай Николай Николаевич үөрэппитэ. Үөрэнэр кэмнэригэр оройуоңңа оскуолатын чиэһин көмүскээн сааскы сынньалаң са5ана хайыһардыра, сайын спартакиада5а чэпчэки атлетика5а кыттара. Күрэхтэһэрин тухары бириистээх миэстэлэргэ тиксэрэ. Ол курдук хайыһарга 5 уонна 8 километр уһуңңа, сүүрүүгэ 100 уонна 400 миэтиргэ хаста да маңнайгы миэстэлэри ылбыта. Уһуну ойууга (буурдааһыңңа) оройуоңңа 4 миэтэрини түспүтэ.
