 |
Батагайская сельская библиотека - филиал №1 им. М.К. Федоровой
|
 |
 |
|
Ыам ыйын 27 күнүгэр дойду үрдүнэн библиотекарь күнүн бэлиэтиибит. Бу бэлиэ күн чэрчитинэн хас биирдии библиотека Библионочь, Библиосумерки тэрээһиннэри сылын ахсын ыытар. Ол курдук, Баатаҕай олохтоох библиотеката "Библиосумерки - 2023" тэрээһини ыытта.
Ыам ыйын 19 күнэ - Пионерия күнэ! Бу күн үтүө үгэс буолан элбэх көлүөнэ ыччаты сыллата ахсын түмэр күн. билигин, урукку курдук, хас оскуола ахсын оҕо тэрилтэлэригэр үөрүүлээх линейкалар, коммунарскай сбордар, станциянан оонньуулар, тимуровскай үлэлэр, костердар, оҕо тэрилтэтин кэккэтигэр ылыы тэрээһиннэрэ ыытыллаллар, кэлиҥҥи сылларга быдан суолталанан, сөргүтүллэн эрэллэр. Ол аата көлүөнэ икки ардыгар ситим уонна ытыктабыллаах сыһыан баар эбит.
Уус-Алдан Баатаҕайыгар, чуолаан Н.Н. Тарскай аатынан Баатаҕай орто оскуолатыгар ыам ыйын 8 күнэ - бэлиэ күн буолар. Ол курдук, бүгүн - киэн туттар биир дойдулаахпыт, государственнай деятель, Саха сиригэр спорт уһулуччулаах салайааччыта, төрүттээччитэ Николай Николаевич Тарскай төрөөбүт күнэ. Бу бэлиэ күңңэ даҕатан, эһиил 2024 сылга Н.Н Тарскай 100 сылын көрсө, республикаҕа, улууска, нэһилиэккэ былааннаах үлэ саҕаланна.
Кыайыы күнүн көрсө ыытыллыбыт "Окно Победы" акцияҕа библиотека иһинэн үлэлиир "Эйгэ" түмсүү чилиэттэрэ кытыннылар. Ол курдук, кыттааччылар бэйэлэрэ дьиэлэрин түннүктэрин киэргэттилэр, хаартыскаҕа түстүлэр.
