 |
Батагайская сельская библиотека - филиал №1 им. М.К. Федоровой
|
 |
 |
|
"Движение Первых" Бүтүн Россиятааҕы уопсастабаннай оҕо уонна ыччат хамсааһына көҕүлүүр "Кыайыы ырыалара" акцияҕа олохтоох библиотека иһинэн үлэлиир "Эйгэ" түмсүү чилиэттэрэ кыттыһаллар. Көрүҥ, истиҥ, сэргээҥ! #ДвижениеПервых #РДДМ #ПесниПобедыПервых
Арассыыйа олохтоохторун сомоҕолуур ытык бырааһынньыкка аан дойдуга эйэни уонна көҥүл олоҕу түстээбит аҕа көлүөнэ дьон үтүө ааттарыгар, хорсун быһыыларыгар сүгүрүйэбит. Бу күн тоҥор, аччыктыыр диэни аахсыбакка, сырдык олоххо эрэли сүрэхтэригэр бигээн аҕалбыт чугас дьоммутун ахтан-санаан ааһыаҕыҥ!
Саха Сиригэр физкультураҕа күргүөмнээх хамсааһыны төрүттээччилэртэн биирдэстэрэ, өрөспүүбүлүкэҕэ көҥүл тустуу сайдарыгар сүҥкэн өҥөнү оҥорбут киһи, 1955—1959 сылларга Саха АССР спорткомитетын салайааччыта, биир дойдулаахпыт Николай Николаевич Тарскай бүгүн, ыам ыйын 8 күнүгэр төрөөбүт күнэ. Кини олоҕун уонна үлэтин туһунан мантан сиһилии билсиэххитин сөп уонна тургутукка кыттаргытыгар ыҥырабыт!
Аҕыйах хонугунан Улуу Кыайыы өрөгөйдөөх 78 сылын бэлиэтиэхпит. Аҕа дойду Улуу сэриитин историятын төһө билэҕиний? Билиигин бэрэбиэркэлэн, холбукаҕар хатан!
