 |
Батагайская сельская библиотека - филиал №1 им. М.К. Федоровой
|
 |
 |
|
Тохсунньу 12-14 күннэригэр Дьокуускай куоракка Саха сиригэр спорду көҕүлээбит, биллэр государственнай деятель, биир дойдулаахпыт Н.Н. Тарскай аатынан, оскуола саастаах уолаттарга, тустууга күрэх ыытылынна. Бу күрэххэ 17 улуустан барыта 293 күрэхтэһээччи кытынна. Күрэх Баһылай Манчаары аатынан национальнай көрүҥнэри тарҕатар киин киэҥ уораҕайыгар тэрилиннэ.
2023 сыл Россияҕа педагог уонна наставник сылынан биллэриллибитэ. Дойдубут Президенэ, В.В. Путин бу биллэриллибит сылы үөрэх эйгэтигэр үлэлиир уһуйааччылар, учууталлар, сүбэһиттэр айымньылаах үлэлэрэ, профессиональнай таһымнара сайдарыгар, бу идэлэр сыанабыллара үрдүүрүгэр туһулаан бигэргэппитэ.
Саха Республикатыгар үүммүт сыл Үлэ сылынан биллэрилиннэ. Ил Дархан А.С. Николаев үлэҕэ-хамнаска сыһыаны бөҕөргөтүү, үлэ сыанабылын үрдэтии тоҕоостооҕун бигэргэттэ.
Уус Алдан улууһугар аҕа баһылык А.В. Федотов инфраструктура сайдыытын сылынан биллэрдэ. Тупсаҕай тутуулары, сиэдэрэй көстүүлэри элбэтиигэ сүрүн үлэ сыла буоларын мэктиэлээтэ.
Бүтүн дойду үрдүнэн ыытыллар Геройдар күннэрин көрсө, Баатаҕай нэһилиэгэр биир дойдулаахпыт, история билимнэрин кандидата, ССРС билимнэрин Академиятын Сибиирдээҕи салаатын үтүөлээх бэтэрээнэ, Саха Сирин культуратын уонна наукатын үтүөлээх үлэһитэ, Уус-Алдан улууһун, Баатаҕай нэһилиэгин бочуоттаах олохтооҕо Дмитрий Дмитриевич Петровка аналлаах “Үтүө аата өлбөөдүйбэт” стендэ арылынна.
Бэҕэһээ, ахсынньы 6 күнүгэр нэһилиэкпитигэр доруобуйаларынан хааччахтаах дьон декадаларын арыйар "Сырдык санаа иэйиитэ" бэрт сэргэх тэрээһин ыытылынна. Манна улууспут нэһилиэктэриттэн Танда, Бэрт-Ууһа, Бороҕон, Кэптэни инвалидтарын түмсүүлэрэ кыттыыны ыллылар.
