 |
Батагайская сельская библиотека - филиал №1 им. М.К. Федоровой
|
 |
 |
|
Быйыл үөрэхтээһин эйгэтигэр ааҕыы сыла биллэриллэн, муус устар 29 күнүгэр орто оскуола алын сүһүөҕү бүтэрэр 4 кылаас үөрэнээччилэрин икки ардыларыгар биллэриллибит марафоҥҥа, ааҕыыга аналлаах туһунан түһүмэх киирбитэ. Бу күн үөрэнээччилэр библиотекаҕа кэлэн, сахалыы ааҕыыны көҕүлээн, кинигэлэри кытары билистилэр, мүнүүтэҕэ аахтылар.
Бу дьыл муус устар 27 күнүгэр - Саха Өрөспүүбүлүкэтин 100 сыллаах өрөгөйдөөх күнүн бэлиэтээтибит. Баатаҕайдааҕы С.Ф. Сивцев аатынан норуот айымньытын киинигэр нэһилиэкпит олохтоохторо, ыалдьыттара Саха автономията тэриллибитэ 100 сылын бэлиэтиир дьоро түһүлгэҕэ муһуннубут.
Бэҕэһээ, муус устар 25 күнүгэр нэһилиэк баһылыга, тэрилтэлэрин салайааччылара, специалистара Сахабыт Өрөспүүбүлүкэтэ үйэ анаара өттүтүттэн сайдыы суолун тобулбутун, киэҥ аартыктарын, норуоппут чулуу уолаттарын туһунан историяны сэгэтэн кэпсиир дириҥ ис хоһоонноох монтаһы аахтылар.
Муус устар 23 күнүгэр орто оскуола 5 уонна 6 кылааһын үөрэнээччилэригэр биллиилээх государственнай деятель, саха норуотун чулуу уола Максим Кирович Аммосов туһунан библиотечнай урок ыытылынна. Урок сүрүн сыала Саха АССР төрүттэммитэ 100 сылыгар ананна.
