Олоҥхо декадата түмүктэннэ
Сэтинньи 25 күнэ - Олоҥхо күнэ. Бу күн чэрчитинэн нэһилиэккэ Олоҥхо декадатыгар олохтоох библиотека сэтинньи 22 күнүгэр уһуйаан оҕолоругар "Мин дойдум - Олоҥхо дойдута" диэн аралдьытыыны ыытта. Уһуйаан бэлэмнэнии бөлөҕүн оҕолоро хартыынан сахалыы саҥаҕа, Олоҥхо геройдарын, дойдуларын туһунан билистилэр, билиилэрин тургутан көрдүлэр. Аралдьытыы түмүгэр библиотекаҕа кэлбит саҥа кинигэлэри кытары билистилэр.
Сэтинньи 28 күнүгэр Баатаҕай орто оскуолатын 2 кылааһын үөрэнээччилэригэр "Олоҥхо ыллыктарынан" библиотечнай уруок ыытылынна. Олоҥхо туһунан билиилэрин бэрэбиэркэлэннилэр, олоҥхоҕо аналлаах кинигэ быыстапкатын көрдүлэр. "Мин Олоҥхо дойдутун оҕотобун" кинигэ тула сэһэргэһии тэрилиннэ. Уруок түмүгэр үөрэнээччилэр саҥа кинигэлэри, остуол оонньууларын, уратын оҥоһуулаах кинигэлэри сэргии, сөҕө көрдүлэр, иһиттилэр.
Бу күн библиотека иһинэн үлэлиир "Эйгэ" түмсүү чилиэттэригэр "Олоҥхо ыллыктарынан айан" тематическай чаас ыытылынна. Олоҥхо сүрүн чахчыларын туһунан иһитиннэриини библиотекарь оҥордо. Түмүккэ остуол оонньуутун оонньоотулар, билиилэрин тургутан көрдүлэр.