 |
|
 |
 |
 |
 |
Балаҕан ыйын 27 күнэ - Саха Өрөспүүбүкэтин судаарыстыбаннаһын күнэ. Бу бэлиэ күҥҥэ анаан, балаҕан ыйын 28 күнүгэр "Күнчээн" уһуйаан орто уонна улахан бөлөх оҕолоругар "Мин дойдум - Саха сирэ" бэсиэдэ ыытылынна.
Балаҕан ыйын 5 күнүгэр Баатаҕай нэһилиэгиттэн төрүттээх Лазаревтар аймах муһуннулар. Былыргы Баатаҕай сиригэр Лазаревтар үс алааһынан тарҕанан олорбуттара биллэр, кинилэр сыдьааннара бу күн өбүгэлэрин сиригэр Дьокуускайтан, Намтан, Бороҕонтон ыалдьыттаатылар. Тэрээһин "Төрүт Баатаҕайдар" стелаттан саҕаланна, манна киирбит Лазаревтар сыдьааннара үтүө өйдөбүнньүккэ үйэлээҕи түстээн үлэлэспит комиссия чилиэттэригэр махталларын, истиҥ тылларын анаатылар.
Бу дьыл балаҕан ыйын 4 күнүгэр Баатаҕай нэһилиэгэр, уруккунан Халдьаайы Сылаатыгар олорбут Михаил Иванович уонна Анастасия Петровна Романовтар сыдьааннара
өбүгэлэрэ олорон ааспыт үйэлээх өйдөбүнньүктэригэр - дьиэлэригэр дьиэ кэргэҥҥэ аналлаах дьоһуннаах түмэл арыйдылар.
Бу дьыл атырдьах ыйын 14 күнүгэр Баатаҕай нэһилиэгэр «Төрүт Баатаҕайдар» стелалара дьиэ кэргэн скверигэр арылынна. Стелаҕа нэһилиэк таһынааҕы уонна соҕуруу алаастарын картата, ол алаастарынан тарҕанан олорбут дьон төрүччүлэрэ QR кодунан, ону тэҥэ стела кытыыларыгар ити эҥэр турар ытык, бэлиэ миэстэлэр тиһилиннилэр. Барыта 55 төрүччү, ол иһигэр 8 тыһ. тахса киһи киирдэ. Төрүччүлэри Д. Киркинскай программатыгар уган, биир халыыпка тиһэн киллэрдибит.