 |
|
 |
 |
 |
 |
Олунньу 13 күнүгэр, Баатаҕай нэһилиэгэр төрөөбүт төрүт тыл,сурук бичик күнүн бэлиэтээтибит📜!
Ийэ тыл күнүн үөрүүлээх аһыллыытыгар Саха тылыгар норуоппут олоҕо, кута-сүрэ, майгыта-сигилитэ, өйө-санаата, иэйиитэ, философията –баар диэн кылгас билиһиннэрии, төрөөбүт тылы билии туох суолталааҕын, бэйэни бэрэбиэркэлэнэн сахалыы табатык, кыраһыабайдык суруйуу, сахалыы остуол, "Хомуур" оонньуулар ыытылыннылар.
Олунньу 13 күнүгэр - уhуйааммытыгар төрөөбүт ийэ тыл, сурук-бичик күнэ буолан ааста! Бу күнү Саха Республикатын бастакы Президенэ Михаил Ефимович Николаев дьаһалынан 1996 сыл олунньу 13 күнэ "Төрөөбүт тыл уонна сурук-бичик» күнүнэн ааттаммыта.
Төрөөбүт тыл, сурук-бичик күнүн чэрчитинэн олунньу 11 күнүгэр Баатаҕайдааҕы "Күнчээн" оҕо уһуйаанын орто, улахан, бэлэмнэнии бөлөх иитиллээччилэригэр "Таптыыр дойдум Саха сирэ" сырдатар, билиһиннэрэр аралдьытыы тэрилиннэ.
Олунньу 6 күнүгэр Россияҕа Наука күнүн чэрчитинэн Баатаҕай орто оскуолатын иһинэн "Наукаҕа хардыы" научно-практическай конференция ыытылынна. Конференцияны арыйар үөрүүлээх чааска оскуола директора Бурнашева А.А. Наука күнүн историятын билиһиннэрдэ, директоры иитэр үлэҕэ солбуйааччы Готовцева Я.Ю., директор иитэр үлэҕэ сүбэһитэ Сидорова Н.Н., оҕо хамсааһынын салайааччыта Матвеева А.И., олохтоох библиотека сэбиэдиссэйэ Пермякова А.П. нэһилиэктэн тахсыбыт ученайдары, кинилэр үлэлэрин сырдаттылар.