 |
|
 |
 |
 |
 |
Алгыстаах алаадьы, саламаат, кус миинэ иһэр, салама ыйыыр –ыам ыйын 22 — Ньукуолун күн нэһилиэк дьоно-сэргэтэ "Денис Бэстэрэ" ытык сиргэ сылын аайы тахсан сайыны көрсөбүт. Ыам ыйа саха дьонугар санаалыын сааһыланар, киртэн –хохтон ыраастанар, чэбдигирэр кэм, олоҕу түстүүр туом түһүүтэ билигин күүһүрэн турар. Өбүгэлэрбит ходуһаҕа, хонууга арыылаах алаадьы ууран, үүт – кымыс кутан үүнэр сайынтан өҥү –быйаҥы, илгэни көрдөһөллөрө.
Ыам ыйын 21 күнүгэр орто оскуола алын сүһүөх кылааһын оҕолоругар оскуола библиотекара Готовцева Алена Анатольевна "Саха саарына Күлүмнүүр" диэн библиотечнай уруок ыытта. Оҕолор саха норуотун сайдарын туһугар үгүс өрүттээх үтүө тыыннаах, дириҥ ис хоһоонноох үлэни ыыппыт уһулуччулаах общественнай-политическай деятель, бастакы үөрэхтээх саха дьонун бас-көс туттар киһитэ, сырдатааччы, саха литературатын төрүттээччилэриттэн биирдэстэрэ, суруйааччы, драматург, тылбаасчыт, кыраайы үөрэтээччи, учуонай, суруналыыс, биир дойдулаахпыт В.В. Никифоров - Күлүмнүүр төрөөбүтэ 160 сылыгар кини олоҕун уонна үлэтин туһунан сиһилии билистилэр.
Аҕа дойду Улуу сэриитигэр Кыһыл аармыйа, сэбиэскэй норуот Кыайыытын 81-с сылын бэлиэтээтибит. Дойдуга барытыгар сибэтиэй күн кыайыылаахтар көлүөнэлэригэр ытыктабылбытын биллэрэн, дойду көҥүлүн уонна тутулуга суох буолуутун турууласпыт дьоммутун ахтан-санаан аастыбыт. Бу барыбыт өйдөбүнньүгэ, махталбыт уонна эппиэтинэспит – норуот хорсун быһыытын туһунан кырдьыгы харыстыыр уонна кэлэр көлүөнэҕэ тириэрдэр күммүт.
