Самаан сайыны көрүстүбүт
Алгыстаах алаадьы, саламаат, кус миинэ иһэр, салама ыйыыр –ыам ыйын 22 — Ньукуолун күн нэһилиэк дьоно-сэргэтэ "Денис Бэстэрэ" ытык сиргэ сылын аайы тахсан сайыны көрсөбүт. Ыам ыйа саха дьонугар санаалыын сааһыланар, киртэн –хохтон ыраастанар, чэбдигирэр кэм, олоҕу түстүүр туом түһүүтэ билигин күүһүрэн турар. Өбүгэлэрбит ходуһаҕа, хонууга арыылаах алаадьы ууран, үүт – кымыс кутан үүнэр сайынтан өҥү –быйаҥы, илгэни көрдөһөллөрө.
"Түмэн" НАК коллектива иилээн-саҕалаан тэрээһин үөрүүлээх чааһын, эҕэрдэлэри тэрийдилэр. "Алгыс" аҕа көлүөнэ далбар хотуттара үҥкүүнэн киэргэттилэр, күргүөмүнүнэн ыллаатылар. Ол кэннэ сэргэх хамаанданан күрэхтэр ыытыллыннылар. Эбиэккэ остуол тула олорон сайыҥҥа үктэммит бэлиэ күнүнэн "Биэттэ булчуттара" түмсүү күндүлээбит бултарынан кус миинин истибит. Аһылык кэмигэр олохтоох библиотека сэб. Пермякова А.П. дьиэ-кэргэн, сайылык күннэринэн "Саха төрүт ыала" тэттик тургутугу ыытта. Тургутукка бастыҥ билиилээх Сивцева В.И. кыайыылааҕынан таҕыста.
