Нэһилиэк ытык миэстэлэринэн экскурсия тэрилиннэ
Бэс ыйын 4 күнүгэр библиотека иһинэн үлэлиир "Эйгэ" түмсүү чилиэттэригэр уонна орто оскуола учууталларыгар, үөрэнээччилэригэр нэһилиэкпит ытык миэстэлэринэн экскурсия тэрилиннэ. Ол курдук, быйылгы дьылга Саха сирин уһулуччулаах общественнай, политическэй диэйэтэлэ, краевед-учуонай, суруйааччы, публицист, Сахалар сойуустарын салайааччыта, Саха сиригэр земствоны киллэрии көҕүлээччитэ уонна тэрийээччитэ В.В. Никифоров - Күлүмнүүр Баатаҕай нэһилиэгин кытары ситимнээх диэн сыалтан уонна төрөөбүтэ 160 сылынан кини кэргэнин дьбоно олорбут Арыы баһа алааска турар өтөхтөрүнэн, Чараҥай союһа тэриллиитигэр турбут бэлиэҕэ, Чараҥай ытык сиригэр, Чараҥай оскуолата турбут, Барыллыалаах колхоз олоҕор ыһыллыбыт Кыайыы ыһыаҕын миэстэлэринэн айаҥҥа сылдьан кэллибит.
Айаҥҥа барыта 9 киһи сырытта, ол иһигэр 4 оскуола үөрэнээччитэ. Учууталлар Агафья Егоровна Готовцева, Валентина Ивановна Сивцева уонна олохтоох библиотека сэбиэдиссэйэ Августина Петровна Пермякова ытык миэстэлэр тустарынан сиһилии кэпсээтилэр, билиһиннэрдилэр. Сылдьыбыт сирдэрбитигэр туох үлэ барыахтааҕын, эбии ситэриллиэхтээҕин бэлиэтии көрдүбүт. Оҕолор сылдьыбатах алаастарын, миэстэлэрин көрөн биһирээтилэр, астыннылар. Иннкитин да маннык айаннар тэриллэннэр, кэнчээри ыччат төрөөбүт дойдутун туһунан билиитэ хаҥыырыгар баҕара хааллыбыт.
