Саха Саарына Күлүмнүүр!
Ыам ыйын 21 күнүгэр орто оскуола алын сүһүөх кылааһын оҕолоругар оскуола библиотекара Готовцева Алена Анатольевна "Саха саарына Күлүмнүүр" диэн библиотечнай уруок ыытта. Оҕолор саха норуотун сайдарын туһугар үгүс өрүттээх үтүө тыыннаах, дириҥ ис хоһоонноох үлэни ыыппыт уһулуччулаах общественнай-политическай деятель, бастакы үөрэхтээх саха дьонун бас-көс туттар киһитэ, сырдатааччы, саха литературатын төрүттээччилэриттэн биирдэстэрэ, суруйааччы, драматург, тылбаасчыт, кыраайы үөрэтээччи, учуонай, суруналыыс, биир дойдулаахпыт В.В. Никифоров - Күлүмнүүр төрөөбүтэ 160 сылыгар кини олоҕун уонна үлэтин туһунан сиһилии билистилэр.
Иһитиннэрии кэннэ оҕолорго интеллектуальнай оонньуу ыытылынна. Ылбыт билиилэрин бэрэбиэркэлэнэн бары да интэриэһиргии, сонургуу оонньоотулар. Василий Никифоров норуотун туһугар туруорсубут, айбыт-туппут, киирсибит үтүөлэрин ааҕан сиппэккин, кини курдук прогрессивнай өйдөөх-санаалаах киһи олорон ааспытын, Сахабыт сирэ оччоттон баччаҕа диэри сайдар-тупсар, инники кэскиллэнэр диэн уруок түмүктэннэ.
