Үбүлүөйдээх сыллардаах биир дойдулаахтарбыт!
Улуу Кыайыы өрөгөйдөөх 81 сылын көрсө, Саха сиригэр национальнай байыаннай оскуола тэриллибитэ 100 сылыгар олохтоох библиотекаҕа биир дойдулаахпыт, артиллерист-офицер, Аҕа дойду сэриитин кыттыылааҕа Петр Егорович Матвеевка аналлаах "Үтүө киһи аата үйэлээх", историческай наука кандидата, саха норуота Аҕа дойду сэриитигэр кыттыытын үөрэппит ученай Дмитрий Дмитриевич Петровка "Историк-фундаменталист Дмитрий Петров" быыстапкалар турдулар. Быйыл Петр Егорович төрөөбүтэ 110, Дмитрий Дмитриевич 105 сыллара.
Ол курдук, ыам ыйын 4 күнүгэр орто оскуола алын сүһүөх кылаас оҕолоро Петр Егорович олоҕун, үлэтин туһунан билистилэр. Петр Егорович национальнай байыаннай оскуола курсана, гвардия лейтенана, противотанковай артиллерия взводун хамандыыра, ворошиловскай стрелок, Аҕа дойду сэриитин II-с степеннээх уордьанын уонна бойобуой мэтээллэр кавалердара, Маркс холкуос бэрэссэдээтэлэ этэ. Быыстапкаҕа турбут матырыйааллары учууталлар да, оҕолор да биһирии көрдүлэр. Чуолаан сэдэх хаартыскалары, кэргэнин, оҕолорун туһунан стендэни кэрэхсээтилэр.
Дмитрий Дмитриевич Петров кыһалҕалаах оҕо сааһын билистилэр, Герой үрдүк аатыгар түһэрбит дьонун, саха норуотугар оҥорбут үтүөтүн ахтан аастыбыт. Бэйэтэ суруйбут, чинчийбит үлэлэрин - кинигэлэрин сэргии көрдүлэр. Хорсун санаалаах, үтүө холобурдаах биир дойдулаахтарбытынан киэн туттарбытын өссө төгүл бигэргэттибит, кинилэр үтүө ааттарын ааттата туруохпут.
