 |
Батагайская сельская библиотека - филиал №1 им. М.К. Федоровой
|
 |
 |
|
Сэтинньи 10 күнүгэр орто оскуола 2-3 кылаас үөрэнээччилэригэр улууспутугар биллэр-көстөр музейдар тустарынан библиотечнай уруок ыытылынна. Оскуола социальнай педагога Готовцева Агафья Егоровна көҕүлээһининэн уруокка барыта 13 оҕо кыттыыны ылла.
Сэтинньи 11 күнүгэр саха советскай литературатын төрүттээччи, поэт, прозаик, учуонай, Саха автономнай советскай социалистическай республикатын төрүттэспит бөдөҥ государственнай, общественнай-политическай деятель Платон Алексеевич Ойуунускай төрөөбүтэ 130 сыла. Бу бэлиэ күн чэрчитинэн Н.Н. Тарскай аатынан Баатаҕай орто оскуолатын үөрэнээччилэригэр библиотечнай уруоктар ыытылыннылар.
Балаҕан ыйын 4 күнүгэр Уус Алдан улууһун киинигэр, Бороҕоҥҥо биир дойдулаахпыт, Саха сиригэр физкультурнай хамсааһыны олохтообут, көҥүл тустууну төрүттээбит Николай Николаевич Тарскай аатынан Спорт дыбарыаһа үөрүүлээх быһыыга-майгыга аһылынна.
Бу бэлиэ тэрээһиҥҥэ С.С. Васильев-Борогонскай аатынан киин библиотека, Сэһэн Ардьакыап аатынан улуустааҕы история уонна кыраайы үөрэтэр түмэл, М. К. Федорова аатынан олохтоох библиотека уонна Н.Н. Тарскай аатынан "Спорт албан аатын" түмэлэ кыттыһан "Жизнь, отданная спорту" диэн Н.Н. Тарскай олоҕун, үлэтин билиһиннэрэр быыстапка турда. Ыраахтан-чугастан тоҕуоруһа мустубут ыалдьыттар быыстапканы сэргии көрдүлэр, бэйэлэрин баҕа санааларын эттилэр.
