 |
|
 |
 |
 |
 |
Ыам ыйын 19 күнэ — В.И. Ленин аатынан Бүтүн сойуустааҕы пионерскай тэрилтэ төрүттэммит күнэ.
Бу күн Баатаҕай нэһилиэгэр оччотооҕу хамсааһыҥҥа кыттыбыт, киирбит дьон урукку костердуур сиргэ тахсан субуотунньуктаатылар. Ааспыт үйэ бастыҥ хамсааһынын историятын сэгэтэн көрдөрүү, көлүөнэлэри көрсүһүннэрии, атах тэпсэн олорон истиҥник инники сайдыы тула кэпсэтии тэрилиннэ.
Ыам ыйын 18 күнүгэр Саха сирин уһулуччулаах общественнай, политическэй диэйэтэлэ, краевед-учуонай, суруйааччы, публицист, Сахалар сойуустарын салайааччыта, Саха Сиригэр земствоны киллэрии көҕүлээччитэ уонна тэрийээччитэ В.В. Никифоров - Күлүмнүүр төрөөбүт күнэ.
Ыам ыйын 9 күнүгэр нэһилиэкпитигэр Кыайыы күнүн үрдүк таһымнаахтык бэлиэтээтибит. Хаһааҥҥытааҕар да бүгүҥҥү күҥҥэ сайыҥҥылыы чаҕылхай күннээх, ыраас халлааннаах күн турда. Дьон-сэргэ, оҕо-уруу тоҕуоруһа мустан, өрө көтөҕүллэн Улуу Кыайыы 80 сылын көрсө Кыайыыны уһансыбыт буойуттарбытыгар махтанан, сүгүрүйэн Кыайыы парада буолла.
Ыам ыйын 8 күнүгэр киэһэ 9 чаас 30 мүнүүтэҕэ нэһилиэкпит олохтоохторо, ытыктабыллаах сэрии кэмин оҕолоро, үлэ ветераннара, кэнчээри ыччаттара, Кыайыы болуоссатыгар муһуннулар. Аҕа дойду Улуу сэриитигэр баран сырдык тыыннарын толук уурбут буойуттарга, сэрии ветераннарыгар, үлэ фронун кыттыылаахтарыгар, тыылга үлэлээбит ытык дьоммутугар Улуу Кыайыы 80 сылыгар аналлаах кэриэстэбил “Өйдөбүнньүк чүмэчи” акцияҕа кыттыстыбыт.