Улууспут түмэллэрин туһунан
Сэтинньи 10 күнүгэр орто оскуола 2-3 кылаас үөрэнээччилэригэр улууспутугар биллэр-көстөр музейдар тустарынан библиотечнай уруок ыытылынна. Оскуола социальнай педагога Готовцева Агафья Егоровна көҕүлээһининэн уруокка барыта 13 оҕо кыттыыны ылла.
Ол курдук, улуустааҕы Сэһэн Ардьакыап аатынан история уонна кыраайы үөрэтэр, Өлүөнэтээҕи "Доҕордоһуу" история уонна архитектура, И.П. Готовцев аатынан Тандатааҕы история уонна архитектура, Кулантай аатынан Чараҥнааҕы литературнай, Саха сиригэр соҕотох И. Жирков аатынан Дүпсүннээҕи космонавтика түмэллэрин туһунан сырдатылынна. Үөрэнээччилэр улууспут киинигэр баар история уонна кыраайы үөрэтэр виртуальнай түмэли илэ харахтарынан көрөн астыннылар, дуоһуйдулар. Түмүккэ уруок устата иҥэриммит билиилэрин тургутан көрдүлэр.
