Аата ааттанар, ырыата ылланар
Сэтинньи 11 күнүгэр саха советскай литературатын төрүттээччи, поэт, прозаик, учуонай, Саха автономнай советскай социалистическай республикатын төрүттэспит бөдөҥ государственнай, общественнай-политическай деятель Платон Алексеевич Ойуунускай төрөөбүтэ 130 сыла. Бу бэлиэ күн чэрчитинэн Н.Н. Тарскай аатынан Баатаҕай орто оскуолатын үөрэнээччилэригэр библиотечнай уруоктар ыытылыннылар.
Онуоха 6 кылаас үөрэнээччилэригэр "Саха норуотун улуу уола П.А. Ойуунускай" диэн суруйааччы олоҕун, үлэтин билиһиннэрии, ону тэҥинэн айымньыларыттан быһа тардан аахтылар, сахалыы тылдьытынан туһанарга үөрэннилэр. 7 кылаас үөрэнээччилэригэр - "Сүүс сыллаах улуу былаан" айымньытын тула сэһэргэһии ыытылынна, санаа атастаһыыта тэрилиннэ. Түмүккэ уруокка истибиттэрин хатылаан боппуруостарга хоруйдаатылар.
