Баатаҕайтан силис тардан
Балаҕан ыйын 5 күнүгэр Баатаҕай нэһилиэгиттэн төрүттээх Лазаревтар аймах муһуннулар. Былыргы Баатаҕай сиригэр Лазаревтар үс алааһынан тарҕанан олорбуттара биллэр, кинилэр сыдьааннара бу күн өбүгэлэрин сиригэр Дьокуускайтан, Намтан, Бороҕонтон ыалдьыттаатылар. Тэрээһин "Төрүт Баатаҕайдар" стелаттан саҕаланна, манна киирбит Лазаревтар сыдьааннара үтүө өйдөбүнньүккэ үйэлээҕи түстээн үлэлэспит комиссия чилиэттэригэр махталларын, истиҥ тылларын анаатылар.
Төрүччүнү оҥоруу үлэлээҕин, онно аймахтары түмпүт, көҕүлээбит дьонноругар сэмэй бэлэхтэрин туттартаатылар уонна сыанабылларын биллэрдилэр. Ол кэннэ бары өбүгэлэрэ олорбут аалаастарынан, нэһилиэк бэлиэ миэстэлэринэн экскурсиялаатылар. Ордук Нам улууһуттан элбэх буолан кэлбиттэр, өбүгэлэрин сирин көрөн, кэрэхсээн, билсэн бардылар. Баатаҕайдар маннык элбэх стелалары, үйэлээх оҥоһуулары туталларын, оҥоттороллорун көрөн биһирээтилэр.
