Уус Алдан улууһугар народнай библиотека тэриллибитэ 100 сыла
Уус Алдаҥҥа аан бастакы народнай библиотека төрүттэммитэ 100 сылын көрсөр үбүлүөйдээх тэрээһиннэрэ саҕаланнылар!
1924 сыл олунньу 12 күнүгэр Бороҕон улууһун киинигэр Томторго В.И. Ленин аатынан бастакы народнай библиотека тэриллэн үлэлээбитэ биир үйэ ааһа оҕуста. Билигин Уус Алдан улууһун кииннэммит библиотекатын тиһигэ нэһилиэнньэ ортотугар билиини-көрүүнү тарҕатыыга, кинигэни пропагандалааһыҥҥа элбэх өрүттээх үлэни ыыталлар.
Бу дьыл олунньу ый 12 күнүттэн С.С. Васильев-Борогонскай аатынан улуустааҕы киин библиотекаҕа, библиотека сайдыытын, үлэтин көрдөрер дириҥ ис хоһоонноох улахан выставканан уонна улуус бары библиотекардарын семинарынан 100 сыллаах үбүлүөйдээх тэрээһиннэр ыытыллан саҕалаатылар.
