Норуоттар сомоҕолоһууларын күнэ
Алтынньы 30 күнүгэр "Күнчээн" уһуйаан орто уонна улахан бөлөҕүн иитиллээччилэригэр норуоттар сомоҕолоһууларын күнүн туһунан билсиһии чааһа ыытылынна. Модун Россиябыт, анал бырааһынньыктарбыт, сүрүн бэлиэлэрин, символларын, төрөөбүт дойдубут - Саха сирэ тустарынан кэпсээтибит.
Норуоттар сомоҕолоһуларын күнэ хаһан тэриллибитин, дойду историятыгар биир бэлиэ түгэн буолбутун оҕолор болҕомтолоохтук иһиттилэр. Кинилэргэ анаан бүтүн Россия иһигэр хас норуот олохсуйбутун, картаҕа ханан тэнийэн олороллорун билиһиннэрэр иллюстративнай композицияны билиһиннэрдибит. Ол кэннэ, оҕолор Россия былааҕын кырааскалааһыҥҥа сорудах бэриллибитин толордулар. Ылбыт билиилэрин хаҥатан тэттик боппуруостарга толору эппиэттээтилэр. Дьиҥнээх патриоттар, дойдуларын таптыыр дьон үүнэн тахсалларыгар баҕарабыт!
