Аҕа дойду Геройдарын күнэ
Баатаҕай нэһилиэгэр Аҕа дойду Геройдарын күнүгэр оскуола оҕолоругар "Дьоһуннааҕы кэпсэтии" кылаас чааһын чэрчитинэн уруок ыытылынна. Уруок саҕаланыытыгар дойдубут былаахтарын киллэрэр үөрүүлээх линейкаҕа турдулар, өрөгөй ырыалары күргүөмүнэн толордулар. Үөрэнээччилэр Герой диэн кимин, туох иһин Герой аатын сүгүөххэ сөбүн, улууспут Албан ааттаах Геройдарын тустарынан үгүһү биллилэр-иһиттилэр. Саха сирин маҥнайгы Геройа Ф.К. Попов туһунан кылгас иһитиннэриини, билиҥҥи кэмҥэ анал байыаннай дьайыыга хорсун быһыыны оҥорон Герой аатын сүкпүт Р.Д. Максимов-Бурхаат тус видеоматериалын иһиттилэр, көрдүлэр. Уруок түмүгэр тургутар боппуруостарга хоруйдаатылар.
Ахсынньы 5 күнүгэр Геройдары күннэрин көрсө, биир дойдулаахпыт Н.Н. Тарскай үбүлүөйдээх 100 сылын тэрээһиннэрин чэрчитинэн, үлэлээбит сиригэр - түөрт Геройдаах Байаҕантай нэһилиэгэр, бастакы Президеммит М.Е. Николаев көҕүлээбит "Бүттүүн уруһуйдуубут" бырайыак кубогын туттаранг кэллибит. Манна нэһилиэктэн анал делегациянан сырыттыбыт - баһылык Белолюбскай М.М., библиотекарь Пермякова А.П., орто оскуола соц.педагога Готовцева А.Е., уһуйаан методиһа Сыроватская К.С.
Тандаҕа тиийэн үөрүүлээх линейкаҕа бырыайыак кубогын нэһиилэкпит баһылыга Белолюбскай М.М. Танда оскуолатын директорыгар Константин Готовцевка туттарда. Николай Тарскай үбүлүөйдээх сылынан үлэлээбит оскуолатыгар, олохтоох библиотекаҕа уонна Тандатааҕы историяны уонна кыраайы үөрэтэр музейга кини туһунан матырыйааллары бэлэх ууннубут. Оскуола үөрэнээччилэрэ Байаҕантай киэн туттуутун-Геройдарын тустарынан билиһиннэрдилэр, ону таһынан оскуоланан, музейынан бэрт интэриэһинэй экскурсияларга сырыттыбыт. Маннык бэлиэ түгэннэртэн астынан, дуоһуйан кэллибит.
