Олоҥхо дьыктаана-2025
Сахалыы таба суруйуу үөрүйэҕин сайыннарар, олоҥхо баай тылын-өһүн билиһиннэрэр, тарҕатар сыаллаах алтыс төгүлүн Өрөспүүбүлүкэтээҕи «Олоҥхо дьыктаана» ыытылынна. Быйылгы дьыктаан И.И. Бурнашев - Тоҥ Суорун "Сылгы уола Дыырай Бухатыыр" олоҥхотуттан быһа тардыллан сурулунна.
Баатаҕай нэһилиэгэр дьыктааҥҥа 12 киһи кытынна. Ол курдук, орто оскуола коллективыгар - саха тылын, литературатын учуутала, директоры үөрэх чааһыгар солбуйааччы Самсонова Т.К., нэһилиэк олохтоохторугар- олохтоох библиотека сэб. Пермякова А.П. суруттардылар. Сылын аайы тыл саппааһын байытарга, төрөөбүт тылга ытыктабыллаахтык сыһыаннаһарга кыһалолар кыттааччыларбытыгар улахан махталбытын биллэрэбит.
