Баатаҕай орто оскуолатын иһинэн 1989 с. "Кылыһах" фольклорнай куруһуок үлэлээн саҕалаабыта. Салайааччы саха тылын уонна литературатын учуутала Троева Вера Иннокентьевна.
Куруһуок икки хайысханан үлэлиирэ. Бастакытынан, оҕо талаанын норуот уус-уран айымньытыгар (сүрүннээн олоҥхоҕо) сыһыаран сайыннарыы буолар. Оҕолор тойуктуур, ыллыыр, олоҥхолуур, чабырҕахтыыр, хоһоону уус-ураннык ааҕар дьоҕуру ылаллара. Иккиһинэн, куруоһуок төрөөбүт кыраайы үөрэтэрэ. Нэһилиэк историятын чинчийии, өбүгэлэрбит үлэлэрин-хамнастарын сырдатыы, сиэри-туому үйэтитии, үгэстэри сөргүтүү киирэллэр этэ.
Подробнее...
Ил Дархан Егор Борисов 2011 сыллаахха бэс ыйын 27 күнүгэр таһаарбыт ыйааҕынан Саха Өрүспүүбүлүкэтигэр Хомус күнэ сэтинньи ый 30 күнүгэр бэлиэтэнэр.⠀
Лынкынас куоласкынан⠀
Ырыаларын ыллыктаар⠀
Хонкунас ырыаҕынан⠀
Хоһооннорун холлотоор⠀
Кэҕэ чуораан тойуккунан⠀
Кэпсээннэрин кэҕэһирдээх⠀
А.Е.Кулаковскай.⠀
Хомус — Олонхо дойдутун духуобунай култууратын бэлиэтэ.Cуустэн тахса дойдуга тарҕаммыт хомус 162 араас көрүҥэ баара биллэр. Хомус 5000 сыл анараа өттүгэр үөскээбит диэн үөрэтэллэр. Түҥ былыргыттан аргыс буолан кэлбит инструмент аныгы үйэ киһитин арахсыспат, тыыннаах, алыптаах, айылҕа дорҕоонун кутун-сүрүн иҥэрэр доҕоро буолла. ⠀
Сэтинньи 25 күнэ-Олоҥхо күнэ.
Олоҥхо саха норуотун тылынан айымньытын саамай үрдүк чыпчаала буолар. Кини суолтата аҥардас тыл уус-уран айымньыта буоларынан бүппэт, кини саха норуотун историятын, философиятын, итэҕэлин, төрөөбүт айылҕатын кэрэтин үөрэтэргэ суолтата улахан. Литература, поэзия, фольклор өттүнэн олоҥхо-саха норуотун энциклопедията. Күндү ааҕааччылар, Олоҥхо декадатын чэрчитинэн ыытыллар дьыктааҥҥа көхтөөхтүк кыттаргытыгар ыҥырабыт.
Олоҥхо уонна Хомус декадатын чэрчитинэн ыытыллар дьыктааҥҥа кыттаргытыгар ыҥырабыт!
XIX уонна XX үйэ саҕаланыытыгар Сахабыт сирин араас муннуктарыгар олоҥхоһут, ырыаһыт-тойуксут уутуйан туран төрөөн-үөскээн ааспыттар эбит.
Архыыпка хасыһан Баатаҕайга барыта 5 олоҥхоһут, 20-чэ ырыаһыт-тойуксут төрөөн-үөскээн ааспыттара чуолкай.
Подробнее...
