Сахалыы дьыктаан түмүгэ
Олунньу 12 күнүгэр Уус Алдан улууһун С. С. Васильев-Борогонскай аатынан киин библиотека тэрийэн ыыппыт "Сахалыы дьыктаан" аахсыйаҕа улууспут үрдүнэн барыта 100 киһи кытынна. Дьыктаан тиэкиһэ Семен Данилов "Барымаҥ даа, кубалар" айымньытыттан ылылынна. Дьыктааны суруйуу, биллэр биричиинэнэн, ZOOM былааһакка нөҥүө ыытылынна.
Баатаҕай нэһилиэгиттэн кыттыыны ылбыттар маннык ситиһиилэннилэр:
Людмила Семеновна Лугинова - "Түмэн" норуот айымньытын киинин методиһа, "Бастыҥтан бастыҥ суруксут" уонна Мария Афанасьевна Горохова - "Түмэн" норуот айымньытын киинин уус-уран салайааччыта, "Үчүгэй суруксут" анал ааттары ылары ситистилэр. Өрүү кыттаргытыгар, өйүүргүтүгэр олохтоох библиотека аатыттан махталбытын биллэрэбит!
Саха буолан сандаарыҥ, киһи буолан киэркэйиҥ!
