Аан дойду дьахталларын күнэ.
Аан дойду дьахталларын күнүн көрсө библиотека иһинэн үлэлиир "Эйгэ" түмсүү чилиэттэрэ кулун тутар 2 күнүгэр оҕуруоту кэмигэр олордууга, онно тустаах сүбэлэргэ санаа атастастылар, бэйэлэрин албастарын үллэһиннилэр. Ол курдук, түмсүү чилиэнэ Мотрена Петровна Готовцева эрдэ олордуллар оҕуруот астарын, сибэккилэри билиһиннэртээтэ, тэлгэһэбит иһигэр үүнэр эмтээх оттор, мастар тустарынан сырдатта. Бу бэсиэдэни истибиттэр бэйэлэрин боппуруостарын биэрэн сөптөөх хоруйдары ыллылар, туһаннылар.
Кулун тутар 7 күнүгэр маҥнайгы кылаас үөрэнээччилэригэр открутыка оҥоруутугар маастар-кылаас буолла. Уолаттар ийэлэригэр анаан открытка оҥорон холоннулар, төһө кыалларынан бэйэлэрин эҕэрдэлэрин тистилэр.
Кулун тутар 9 күнүгэр "Эйгэ" түмсүү кыргыттарыгар бырааһынньыктааҕы аралдьытыы тэрилиннэ. Сандалы остуол тула бэйэ-бэйэлэрин эҕэрдэстилэр, сэмэй бэлэхтэрин туттарыстылар. 5 көрүҥнээх аралдьытыыга күрэхтэстилэр, ырыа да ылланна, хоһоон да ааҕылынна.
