"Календарь на старт" биллэрилиннэ.
Уус-Алдан Баатаҕайыгар, чуолаан Н.Н. Тарскай аатынан Баатаҕай орто оскуолатыгар ыам ыйын 8 күнэ - бэлиэ күн буолар. Ол курдук, бүгүн - киэн туттар биир дойдулаахпыт, государственнай деятель, Саха сиригэр спорт уһулуччулаах салайааччыта, төрүттээччитэ Николай Николаевич Тарскай төрөөбүт күнэ. Бу бэлиэ күңңэ даҕатан, эһиил 2024 сылга Н.Н Тарскай 100 сылын көрсө, республикаҕа, улууска, нэһилиэккэ былааннаах үлэ саҕаланна.
Н.Н.Тарскай аатынан орто оскуола директора, Н Н. аатынан Спорт албан аатын түмэлин салайааччыта Бурнашева Алеанна Алексеевна кө5үлээһининэн, "Календарь на старт" диэн тэрээһин үрдүк таһымңа ыытылынна. Бу тэрээһиңңэ үөрэнээччилэр, учууталлар, оскуола коллектива, нэһилиэк тэрилтэлэрин, түмсүүлэрин салайааччылара, ыҥырыылаах ыалдьыттар кыттыыны ыллылар. Нэһилиэк баһылыга М.М.Белолюбскай эҕэрдэ тыл эттэ уонна Н.Н.Тарскай төрөппүт уола Александр Николаевич Тарскай э5эрдэ телеграмматын аа5ан иһитиннэрдэ. Үөрэнээччилэр э5эрдэ нүөмэрдэри: "Уолан" бөлөх монтаж (сал.Сивцева В.И.), 3 кылаас "Кэрэмэс" ырыа (кыл.сал. Самсонова М.Н.), 7-8 кылаас "Три танкиста" ырыа (кыл.сал. Сивцева Е.И., Готовцева Я.Р., музыка учуутала Дмитриева С.С.), 1-2, 4-6 кылаас үңкүү (кыл.сал. Готовцева А.С., Попова А.П., Галактионова М.И., Саввина Е.М.), спортивнай хамсаныылар, акробатика (сал. Ядрихинский А.А.) бэлэмнээн көрдөрдүлэр. Нэһилиэк тэрилтэлэрин салайааччылара: нэһилиэк баһылыга Белолюбскай М.М., оскуола директора Бурнашева А.А., "Күнчээн" уһуйаан сэб. Босикова Т.И., "Түмэн" НАДь директора Готовцева Л.Р., нэһилиэк библиотекатын сэб. Пермякова А.П., ДЮСШ Баата5айдаа5ы филиалын тренерэ Николаев Н.А., "Саһар5а" түмсүү сал. Гоголева Е.Д., "Сырдык Аартык" түмсүү сал. Галактионова М.И., педагог-наставник Румянцева К.И. Н.Н.Тарскай 100 сылын көрсө оскуола иһинэн ыытыллар 100 тэрээһини ыытар халандаары үөрүүлээх быһыыга-майгыга арыйдылар. Халандаары технология учуутала Сивцева М.П., оскуола үлэһитэ Сивцева Н.Н. бэйэлэрин илиилэринэн олус тупса5айдык оңордулар, көстөр сиргэ ыйаан туруоран буолбут тэрээһиннэри үөрэнээччилэр бэлиэтээн иһиэхтэрэ. Биир санаанан түмсүүлээхтик үлэлииргэ кэскиллээх хардыы оңоһулунна, ол курдук, оскуола тэрилтэлэри кытта социальнай партнер быһыытынан ыкса үлэлэһии дуогабарын баттаста. Н.Н. Тарскай оло5ун, үлэтин билиһиннэрэр "Дьоһуннаах кэпсэтии" кылаас чаастарын үс спортивнай кулууп о5олоругар, кэлбит ыалдьыттарга бөлө5үнэн арааран, "14 регион" ШСК о5олоругар учууталлар Дмитриева С.С., Гоголева М.А., Захаров Е.Е. , "Урааңхайдар" ШСК бөлөххө Готовцев А.А., Самсонов В.Е., Белолюбская Н.К., "Эрчим" ШСК иитиллээччилэригэр Готовцева А.Е., Федорова У.Р., Готовцев Я.Р. ыыппыттарын сэргээн иһиттилэр. Технология учуутала Сивцева М.П. салалтатынан үөрэнээччилэр бэйэлэрин илиилэринэн оңорбут корзиналаах сибэккилэрин Н.Н. Тарскай бюһугар ууруу - улуу киһибитигэр сүгүрүйүү бэлиэтинэн буолар церемония5а тэрилтэ салайааччылара, мустубут дьон кыттыыны ыллылар, кылаас салайааччылара Копырина Л.В., Осипова А.Р. бэлэмнээбит 9,10,11 кылаас үөрэнээччилэрэ хоһоон аа5ан иһитиннэрдилэр. Дьон бол5омтотун тардыбыт уонна аныгы сиэринэн фотозона оруолун толорбут экспонатынан оскуола түмэлигэр туруоруллубут Н.Н. Тарскай паартата буолла. Бу сылтан Н.Н.Тарскай төрөөбүт күнэ - оскуола выпускнигын күнүнэн олохтонон биллэриллибитэ бу бэлиэ күн суолтатын өссө үрдэтиэ, ыччакка үтүө өйдөбүлү хаалларыа диэн саарбахтаабаппыт. Түмэли төрүттээбит, Н.Н. Тарскай аатын үйэтитиигэ өр сылларга үтүө суобастаахтык үлэлээбит улахан үтүөлээх-өңөлөөх энтузиаст педагог, педагогическай үлэ ветерана Ксения Иннокентьевна Румянцева бэсиэдэтин мустубут дьон бол5ойон иһиттилэр, о5олор викторина5а көхтөөхтүк кытыннылар, минньигэс бэлэхтэри, ол иһигэр "Тарскай кэмпиэтэ" диэн ааттаан "лампысыайы" үллэрбитин амсайан, сонур5аан үөрдүлэр-көттүлэр. Оскуола5а үөрэнэр сылларыгар научнай-чинчийэр үлэнэн дьарыктаммыт, Москва5а Н.Н.Тарскай үөрэммит үөрэҕин кыһатыгар тиийэн дакылаатынан кыттар чиэскэ тиксибит үөрэнээччибит, билигин устудьуон Сивцев Василий кэлэн үөрэнээччилэргэ ол кэмнэриттэн быһа тардан кэпсээбитэ үтүө холобур буолара саарба5а суох. Тэрээһин салгыы физкультура учууталлара Ядрихинскай А.А., Осипова А.Р. салалталарынан Н.Н. Тарскай аатынан спортивнай залга буолла, ШСК иитиллээччилэрин үс бөлө5үн "Веселые старты" тыңааһыннаах күрэхтэһиитинэн бу бэлиэ күммүт түмүктэннэ.
Н.Н.Тарскай аатынан Баатаҕай орто оскуолатын коллективын аатыттан бүгүңңү тэрээһини бэлэмнээһиңңэ, ыытыыга сүүрбүт-көппүт үлэһиттэрбитигэр, үөрэнээччилэрбитигэр, кэлэн кыттыбыт ыалдьыттарбытыгар махталбытын тиэрдэбит!
Чулуу киһибит Н.Н. Тарскай сырдык аатын үйэтитэр сыаллаах 100 тэрээһин 100% туоларыгар бары күүспүтүн ууруохха, санаабытын түмүөххэ диэн ыңырабыт!
Иһитиннэриини бэлэмнээтэ Н.Н. Тарскай аатынан Баата5ай орто оскуолатын директоры үөрэх чааһыгар солбуйааччы
Самсонова Т.К.
08.05.2023 с.
