Протопопова (Александрова) Александра Алексеевна
- Информация о материале
- Опубликовано: 16.05.2022 11:15
- Просмотров: 178
Александра Алексеевна 1939 сыл кулун тутарга Баатаҕай нэһилиэгэр Эрбэһин учаастагар Кустаах диэн сиргэ Алексей Саввич уонна Варвара Николаевна Александровтар дьиэ-кэргэннэригэр төрөөбүтэ. Ийэтэ бастакы кэргэниттэн 7 оҕоломмут, онтон кини аҕатыттан 5 оҕоломмуттар. Билигин 12 бииргэ төрөөбүттэртэн соҕотох баар. Ийэлээх аҕата колхозтаахтар этэ.
1949 сыллаахха Мүрү I №-дээх орто оскуолаҕа нулевой кылааска үөрэнэ киирбитэ. 1957 сыллаахха 7-с кылааһы бүтэрбитэ. Оскуоланы бүтэрэн баран Мүрү нэһилиэгин “Сардаана" детсатыгар үлэҕэ киирбитэ. Детсадка икки сыл үлэлээн баран, комсомол путевкатынан, почетнай грамотатынан наҕараадаламмыта. 1967 с. “Октябрь" колхозка расчетнай бухгалтерынан 1980 с. диэри үлэлээбитэ. 1980 с. балаҕан ыйыттан Уус- Алданнааҕы госстрах инспекциятын Дүпсүннээҕи учаастагар биригэдьииринэн пенсияҕа тахсыар диэри үлэлээбитэ. Бу үлэлии сылдьан Саха АССР госстрах управлениетын начальнигыттан Соколов Л.Т. илии баттааһыннаах “Лучшая бригада страховых агентов ЯАССР", “70-летие Великой социалистической революции”, “350-тие вхождения ЯАССР в состав Российского государства" махтал суруктарынан, грамоталарынан наҕараадаламмыта. Ону таһынан оройуон госстрах инспекциятыттан элбэх почетнай грамоталар, махтал суруктар туоһулууллар. 1982 уонна 1986 сыллаахха коммунистическай үлэ ударнигын үрдүк аатын ылбыта. 2002 с. Дүпсүн нэһилиэгин бочуоттаах гражданинын аатын иҥэрбиттэрэ. 2006 с. Саха сирин дьахталларын XII съеһын делегатынан талыллыбыга. 2008 с. “Дьиэ-кэргэн” сыла биллэриллэн Дүпсүн нэһилиэгэр “Истиҥ ийэ” номинациятын, Мүрү нэһилиэгиттэн махтал сурук туппута. Герой-ийэлэри чиэстээһинҥэ улуус баһылыгыттан, социальнай көмүскэл управлениетыттан, Дүпсүн нэһилиэгин баһылыгыттан, тыа хаһаайыстыбатын начальнигыттан махтал суруктары ылбыта. Александра Алексеевна сүрүн үлэтин таһынан нэһилиэк, совхоз, оройуон общественнай тэрилтэлэригэр күүһэ кыайарынан үлэлэспитэ: совхоз профсоюһун комитетын чилиэнэ, киин аппарат профсоюһун комитетын казначея, оскуолаҕа төрөппүт комитетын, нэһилиэккэ дьахталлар комитеттарын чилиэнинэн, нэһилиэк депутатынан, народнай сэтээтэлинэн быыбарданан ис сүрэҕиттэн активнайдык кыттан үлэлээбитэ. 1980-89 сс. госстрах Дүпсүн биригээдэтигэр биригэдьииринэн үлэлээбитэ, пенсияҕа тахсан баран 2 сыл Дүпсүн дьаһалтатыгар кассирынан үлэлээбитэ, “Кэскил” бааһынай хаһаайыстыба чилиэнинэн 1997 с. диэри сылдьыбыта. Нэһилиэнньэ, үлэлиир коллективын ортотугар убаастанар, үрдүк авторитеттаах үлэһит этэ. Киһи быһыытынан холку-сэмэй, дьоҥҥо болҕомтолоох сыһыаннаах, уопсай тылы булар, сирэй үлэтигэр бэриниилээх кадр быһыытынан сыаналанар.
1959 с. Протопопов Андрей Николаевичка, Дүпсүн совхозка главнай бухгалтерынан үлэлиир этэ, кэргэн тахсан 5 кыыс, 5 уол oҕонy төрөтөн 1975 с. Герой Ийэ үрдүк аатын ылбыта.