Соловьев Николай Петрович

Информация о материале
Опубликовано: 31.01.2022 10:20
Просмотров: 1130

1956-2019

Мин, Соловьев Николай Петрович 1956 с. олунньу ый 1 күнүгэр Уус Алдан Баатаҕайыгар колхозтаах дьиэ кэргэҥҥэ төрөөбүтүм. Аҕам, Соловьев Петр Николаевич “Ыһыах ыспыт” диэн Баатаҕайтан чугас, соҕуруу диэки сытар алааска күн сирин көрбүтэ. Ийэ,  Соловьева Прасковья Петровна (Лугинова) Баатаҕайтан 15 км. соҕуруу сытар “Ньээккээйи” алааска төрөөбүтэ. Бииргэ төрөөбүт ахсыабыт.

Ийэбитинэн эһээбит Лугинов Петр Егорович сааһын тухары булдунан дьарыктанан олорбут киһи. Сэттэ оҕолоох эбит. Бу оҕолоруттан 35 сиэннээх, 79 хос сиэннээх, 70 хос-хос сиэннэрдээх. Эһээбит киһиэхэ барытыгар бэриллибэт дьикти дьарыктааҕа, ууһут идэлээх эбит. Ууну аннынан сылдьан, икки чааска тиийэр уһун тыыннаах киһи.

1963 с. Баатаҕай аҕыс кылаастаах оскуолатыгар маҥнайгы кылааска үөрэнэ киирбитим. 1972 с. ахсыс кылааһы бүтэрбитим.

1972-74 сс. Лөгөй орто оскуолатыгар үөрэммитим, ол сыл дойдубар Баатаҕайга рабочайынан үлэлээн саҕалаабытым.

1974-76 сс. Сэбиэскэй Армия кэккэтигэр сылдьан дойдубар ытык иэспин төлөөбүтүм.

1977-79 сс. Дьокуускайдааҕы тыа хаһаайыстыбатын салайар кадрдарын бэлэмниир техникумҥа үөрэнэн агроном идэтин ыламмын, араас совхозтарга биригэдьииринэн, звеноводунан, бааһынай хаһаайыстыба тэринэн, ону салайан үлэлээн кэллим.

Армияттан кэлэн баран ыарахан ыйааһыҥҥа тустар этим. Элбэхтэ оройуонум чиэһин көмүскээбитим. ССРС спордун маастарыгар кандидат нуорматын толорбутум.

Аан бастаан миигин тустууга Готовцев Андрей Иннокентьевич уһуйбута. Обургу буолан баран, быһа холоон, 8 кылаастан тустан саҕалаабытым. Ол кэмнрэгэ физругунан Заровняев Алексей Аммосович үлэлиир этэ.

1986 с. Курбуһахха "Урожай" ДСО уобаластааҕы советыгар тустан 1 м., 1987 с. Сунтаарга 2 м., 1985 с. Чурапчыга, Покровскайга, республикаҕа 3 м. 

2019 с. кулун тутар

 БИБЛИОГРАФИЯ

Кинигэлэргэ

  1. Ефимов Д.А. Төрөөбүт түөлбэбит Баатаҕай / Д. А. Ефимов. – Дьокуускай: Көмүөл, 2007 – 78 с.

Периодическай бэчээккэ

  1. Афанасьев М. Түмэн, көҕүлээн: [Бэлиэтэммиттэр: Карпов М.П, Белолюбская А.И., Сивцева Р.И., Готовцев Я.Я., Соловьев Н.П.] / М. Афанасьев // Ленинскэй тэрийээччи. – 1983. – Сэтинньи 3 к. – С. 2.
  2. Бочуот дуоскатыгар эбии аһылыгы бэлэмнээһин бастыҥнара: [Соловьев Николай Петрович звенота] // Ленинскэй тэрийээччи. – 1984. – Бэс ыйын 14 к. – С. 1.
  3. Ильин А. Былааннарын куоһардылар: [“Найахы” совхоз Биэттэтээҕи сиилэс угар звенотун сал.Соловьев Н. П.] / А. Ильин // Ленинскэй тэрийээччи. – 1985. – Алтынньы 12 к. – С. 1.
  4. Слепцов В. Команданан бастаатыбыт / В. Слепцов // Ленинскэй тэрийээччи. – 1985.