Н.Н. Тарскай үбүлүөйүнэй тэрээһиннэриттэн...
Бу дьыл кулун тутар 21 күнүгэр Н.Н. Тарскай төрөөбүтэ 100 сылынан туруоруллуохтаах спектакль сүбэ мунньаҕар Тумул нэһилиэгэр ыалдьыттаатыбыт. Үбүлүөйүнэй хамыһыйаттан нэһилиэк баһылыга Белолюбскай М.М., улуус мунньаҕын депутата Троев А.Я., спектакль автора, суруналыыс Сыроватскай И.И., кыраайы үөрэтээччи, ветеран педагог Троева В.И., Н. Тарскай аймаҕа Мордовская Н.И. буолан Тумул нэһилиэгин баһылыга Алексеев В.П. кыттыылаах, "Түмсүү" СК иһинэн үлэлиир "Айыллан" норуот театрын артыыстарын, режиссерун Макаров А.А. кытары остуол тула олорон кэпсэттибит, ырытыстыбыт.
Автор Иннокентий Ильич улахан үлэни оҥорбутун сиһилии билиһиннэрдэ. Инникитин да бу үлэтин киэҥ араҥаҕа билиһиннэрэ, кэпсии сылдьарбытыгар бэйэтин кэс тылын эттэ. Кини Тарскай аатын үйэтиппитигэр, сөҕүмэр талааныгар мустубут дьон биһирээтибит уонна махтанныбыт. Спектакль ис хоһоонун ааҕан туох тиийбэтин, туох көннөрүллэрин, туруохтаах бириэмэтин чопчуластыбыт, бииргэ үлэлииргэ инники соруктары былааннаатыбыт. Нэһилиэк баһылыга Алексеев В.П. кулууп дьиэтинэн, Кыайыы болуоссатынан кылгас экскурсия оҥордо, олохтоох уонна оскуола библиотекаларыгар буруолуу сылдьар саҥа кинигэлэри бэлэхтээн үөртэ. Биһиги нэһилиэк баһылыга Белолюбскай М.М. спектакль авторыгар Сыроватскай И.И., Тумул нэһилиэгин баһылыгар Алексеев В.П., норуот театрын режиссеругар Макаров А.А. үбүлүөйдээх сыл өйдөбүнньүк бэлэхтэрин туттартаата.
Тумул нэһилиэгин олохтоохторугар, норуот театрыгар Н.Н. Тарскай үбүлүөйүнэй хамыһыйата ситиһиилээх уонна айымньылаах үлэни баҕара хааллыбыт.
