Николай Тарскай пааматынньыга арылынна!
Ыам ыйын 8 күнүгэр, Н.Тарскай төрөөбүтэ 100 сылыгар улуус киинигэр Бороҕоҥҥо Н. Тарскай аатынан Спорт дыбарыаһын иннигэр кини пааматынньыгын арыллытын үөрүүлээх тэрээһинэ ыытылынна. СӨ Прваительствотын председателин солбуйааччы Местников С.В., Ил Түмэн депутата Васильев Г.А., улуус салалтата үөрүүлээх тэрээһиҥҥэ кыттыыны ылла. Биир дойдулаахтара, спорду сэҥээрээччилэр, кэнчээри ыччаттар бү күҥҥэ тоҕуоруһа муһуннулар.
Тэрээһини "Уолан" гимназия уоланнара монтаж ааҕан, "Дуолан" эр дьон вокальнай ансамбла "Саха тустуута" ырыанан киэргэттилэр.
Памаатынньыгы улууспут талааннаах тарбахтааҕа, скульптора Оллонов Г.Н. чочуйан оҥордо. Кэлбит эрэ кэрэхсээн, биһирээн сүргэлэ көтөҕүлүннэ. Маны таһынан, Сергей Васильевич Местников буруолуу сылдьар Николай Тарскай кинигэтин спорт, педагогическай үлэ ветераннарыгар бэлэхтээтэ.
Иннкитин да Н.Тарскай аатын үйэтитиигэ үгүс былааннаах үлэ ыытыллыаҕа диэн мэктиэ тылларын эттилэр.