Уус Алдан улууһугар 2024 сыл түмүктэрэ
Тохсунньу 23 күнүгэр улууспут киинигэр Бороҕоҥҥо ааспыт 2024 сыл түмүктэрин таһаарар бэлиэ түгэн буолан ааста. "Тойон Мүрү" култуура дыбарыаһыгар "Дьөһөгөй оҕотун маанылаах киэргэлэ", улуус историятын кэпсирр быыстапкалар улуус бастыҥнарын чиэстиир, үлэ түмүгүн таһаарар үтүө-мааны тэрээһин үөрүүлээх чаас ыытылынна. Биһиги нэһилиэктэн СӨ үөрэҕириитин туйгунугар К.И. Румянцеваҕа "Уус Алдан улууһун Бочуоттаах олохтооҕо" ааты иҥэрдилэр, сыл бастыҥнара ааттыыр түһүмэххэ А.П. Бурнашеваҕа "Бастыҥ наставник" анал ааты туттардылар.
Үөрүүлээх чаас кэннэ, улуус бары нэһилиэктэрэ Н.Н. Тарскай аатынан Спорт дыбарыаһыгар 2024 сылга ыытыллыбыт үлэлэрин көрдөрөр быыстапканы туруордулар. Быыстапка үгүс дьон биһирэбилин, кэрэхсэбилин ылла. Маны таһынан, нэһилиэктэртэн уус-уран самодеятельность кыттыылаахтарын күүһүнэн кэнсиэр турда.
