Фольклору, кыраайы үөрэтээччи И.Г. Березкин төрөөбүтэ 110 сыла
Бу дьыл тохсунньу 17 күнүгэр Саха сирин былыргытын, былыргы сэһэннэри, номохтору дириҥник үөрэппит, чинчийбит, билиҥҥи ааҕааччыларга тириэрдибит улахан өҥөлөөх киһи, биир дойдулаахпыт Иван Георгиевич Березкин төрөөбүтэ 110 сылыгар орто оскуола 5, 6, 7, 8 кылаас үөрэнээччилэригэр библиотечнай уруок ыытылынна. Уруокка оҕолор Иван Георгиевич олоҕун, үлэтин туһунан сиһилии билистилэр. Кинини билиһиннэрэр нэһилиэк кинигэлэрин, араас сылларга тахсыбыт ыстатыйалары көрдүлэр.
Маны таһынан, "Саха сирин былыргы кэпсээннэрэ, сэһэннэрэ" кинигэтигэр киирбит Баатаҕай нэһилиэгин былыргы номохторун, сэһэннэрин кэрэхсээтилэр. Олортон Суор Бугдук туһунан билистилэр. Уруок бүтүүтүгэр ылбыт билиилэрин хаҥатан викторинаҕа кытыннылар.
