Аҕа дойду көмүскэлигэр мин эһэм хорсун суола
Быйыл Кыайыы 80 сылыгар, Аҕа дойдуну көмүскээччилэрин күнүн чэрчитинэн олунньу 26 күнүгэр "Күнчээн" оҕо уһуйаанын бэлэмнэнии бөлөх иитиллээччилэрин икки ардыларыгар аҕа дойду көмүскэлигэр сылдьыбыт хорсун эһэлэрин туһунан билиһиннэрэр күрэх буолан ааста. Күрэххэ барыта 4 оҕо кыттыыны ылла, ол иһигэр 1 оҕо кэтэхтэн кытынна. Күрэх сүрүн сыала- оҕолор кэпсир дьоҕурдарын сайыннарыы.
Иитиллээччилэр - Белолюбскай Арылхан хос эһэтин Петр Игнатьевичс Готовцев, эһэтин Белолюбскай Петр Петрович, аҕатын Алоександр Петрович туһунан билиһиннэртээтэ. Кинилэр армия кэккэтигэр ханна сулууспалаабыттарын, хос эһэтэ Аҕа дойду сэриитин кыттыылааҕа буоларын туһунан сырдатта. Готовцева Арина икки эһэлэрин Александров Егор Ивановиһи уонна Готовцев Петр Игнатьевич, аҕатын Виталий Анатольевич туһунан кэпсээтэ. Самсонов Баир хос эһэтин Самсонов Петр Николаевич туһунан киэҥ ис хоһоонноох үлэтин сырдатта. Кини бойобуой суолун, наҕараадаларын, хаартыскаларын үлэтигэр сыһыаран киллэрбитэ кэрэхсэннэ. Кэтэхтэн Сидорова Вика хос-хос эһэтин туһунан билиһиннэрдэ.
Түмүккэ, 1 м. - Самсонов Баир, 2 м. - Готовцева Арина, 3 м. - Белолюбскай Арылхан, кыттыбытын иһин туоһу суругунан Сидорова Вика наҕараадаланнылар. Оҕолор дириҥ историялаах саллаат эһэлэрин туһунан элбэҕи хасыһан, үөрэтэн сырдаппыттарыттан билиилэрэ хаҥаабыт буолуохтаах диэн биир санааҕа кэллибит.
