"Кыайыы кэриэһэ" выставканы оскуола уонна уһуйаан оҕолоро билистилэр
Олунньу 28 күнүгэр Н.Н. Тарскай аатынан Баатаҕай орто оскуолатын үөрэнээччилэрэ улуустааҕы көрүү-фестиваль чэрчитинэн турбут "Кыайыы кэриэһэ" быыстапканы билистилэр, көрдүлэр. Үөрэнээччилэр нэһилиэктэн хас киһи Аҕа дойду сэриитигэр кыттыбытын, олор истэриттэн хас киһи сэрии толоонуттан эргиллибитин, тыыл хорсун үлэһиттэрин туһунан кылгас иһитиннэриини иһиттилэр, альбомнары, кинигэлэри көрдүлэр. Саллааттар сэрии толоонуттан дьонноругар ыыппыт суруктарын биһирээтилэр, ааҕан да көрдүлэр. Буойуттар Сивцев Василий Иванович сэрииттэн илдьэ кэлбит ньуоскутун, Готовцев Петр Игнатьевич саабылатын сорҕотун биһирии, кэрэхсии көрдүлэр.
Кулун тутар 3 күнүгэр "Күнчээн" уһуйаан бэлэмнэнии бөлөх оҕолоругар фестиваль быыстапкатыгар экскурсия ыытылынна. Оҕолор нэһимлиэктэрин историятын, хорсун буойуттарын туһунан үгүһү биллилэр. Саллаат кэтэр малын, туттар сэбин-сэбиргэлин бэрт интэриэстээхтик көрдүлэр. Сэдэх экспонаттарга харахтара хатанна. Сорохтор хос эһэлэрин туһунан саҥаны, сонуну биллилэр.
