Идэ туһунан дьоһуннааҕы кэпсэтии
Кулун тутар 10 күнүгэр, Н.Н. Тарскай аатынан Баатаҕай орто оскуолатын үөрэнээччилэригэр "Мин идэм" диэн дьоһуннааҕы кэпсэтии кылаас чааһа ыытылынна. Кылаас чааһын иилээн-саҕалаан ыытты Готовцева А.Е. Үөрэх, билии эйгэтин баһылыы сылдьар үөрэнээччилэр инникитин оскуоланы бүтэрдэхтэринэ туох үлэһит буолуохтарын баҕаралларыттан кэпсэтиибит саҕаланна.
Кылаас чааһыгар М.К. Федорова аатынан олохтоох библиотека сэбиэдиссэйэ Пермякова А.П. библиотекарь идэтин туһунан сырдатта, "Күнчээн" оҥо уһуйаанын иитээччитэ Ядрихинская С.И. иитээччи идэтин туһунан билиһиннэрдэ. Үөрэнээччилэргэ аралдьытар сорудах бэрилиннэ - идэлэри сөпкө таайыыга. Оҕолор үксүлэрэ сөптөөх хоруйу биэрдилэр. Эрдэттэн ким, туох идэлээх буоларын быһаарынан, онно сөптөөх предметтэри дириҥник үөрэтэргэ ыалдьыттар сүбэлээтилэр.
