"Ааҕар Лөгөй сирэ" түмсүү ыалдьыттаата
Биһиги библиотекабытыгар кулун тутар 11 күнүгэр Кэптэни бөһүөлэгиттэн "Ааҕар Лөгөй сирэ" түмсүү ыалдьыттаата. Баатаҕай библиотекатын иһинэн үлэлиир "Эйгэ" түмсүү чилиэттэрин кытары доҕордоһуу көрсүһүүтүн тэрийдибит. Лөгөй түмсүүтүн Матвеева М.Д. салайан үлэлэппитэ иккис сылыгар барбыт. Сүрүннээччи, биһиги биир дойдулаахпыт Лугинова З.П. буолар.
"Ааҕар Лөгөй сирэ" түмсүү 6 киһилээх активын илдьэн кэлэн, түмсүү сыллааҕы үлэтин билиһиннэрдилэр. Араас хабааннаах тэрээһиннэри ыытарын, кинигэни ааҕыыга дьону хайдах угуйалларын, инники былааннарын сырдаттылар. Тэрээһин кыттыылаахтарыгар саха литературата төрүттэммитэ 125 сылыгар аналлаах "Өркөн өй" күрэҕин тэрийэн ыыттылар. Бэйэбит өттүбүтүттэн түмсүүбүт үлэтин, былааннарбытын билиһиннэрдибит. Биирдиилээн араас күрэхтэри түмсүү актиивһа Алексеева М.Н. иилээн-саҕалаан ыытта. Хомоҕо тыллаах хоһоонньуттар Валентина Бурнашева, Раиса Борисова, ырыа куттаах ансамбль чилиэттэрэ ырыанан, хоһоонунан биэчэрбитин киэргэттилэр. Инникитин да бу курдук мустар, сэргэхсийэр буолуоххайыҥ диэн санаа атастастыбыт.
