Кыайыы дьыктааныгар кыттыҥ!
Быйыл дойду үрдүнэн Улуу Кыайыы 80 сылын бэлиэтиибит. Бу бэлиэ кэрчиккэ, нэһилиэкпит Аҕа дойду сэриитигэр кыттыытын туһунан КЫАЙЫЫ ДЬЫКТААНА аахсыйаны биллэрэбит.
Дьыктаан ыытыллар бириэмэтэ: 2025 с. муус устар 22 күнүттэн - ыам ыйын 9 күнүгэр диэри.
Барыта 20 боппуруостаах. Хас биирдии кыттааччыга туоһу суруктар, үрдүк көрдөрүүлээхтэргэ сэмэй бэлэхтэр, добун суруктар туттарыллыахтара.
Дьыктааҥҥа кыттыы түмүгэ уонна сөптөөх хоруйдар библиотека сайтыгар ыам ыйын 9 күнүгэр тахсыахтара, кыайыылаахтар Кыайыы күнүгэр киин болуоссакка наҕараадаланыахтара.
Күндү биир дойдулаахтарбыт! "Кыайыы дьыктаана" аахсыйаҕа биир санаанан көхтөөхтүк кыттаргытыгар ыҥырабыт. Төрөөбүт нэһилиэккит историятын, дьонун-сэргэтин туһунан билбэккитин билэргит өссө ордук буолуоҕа. Дойдубут историятын билэрбит, ветераннарбытын ахтан-санаан ааһарбыт, Кыайыы ханнык сыананан кэлбитин өйдүөҕүҥ уонна ытыктыаҕыҥ!