Саха Өрөспүүбүлүкэтин күнэ!
Муус устар 26 күнүгэр Баатаҕайдааҕы С.Ф. Сивцев аатынан "Түмэн" НАК, М.К. Федорова аатынан олохтоох библиотека уонна орто оскуола төрөппүттэрин комитета көҕүлээн, нэһилиэкпитигэр Өрөспүүбүлүкэбит күнүн бэлиэтээтибит. Бэлиэ кһҥҥэ нэһилиэк түөлбэлэрэ сахалыы симэнэн парадтаан киирэн тэрээһини арыйдылар. Баһылык Белолюбскай М.М. эҕэрдэ тылын эттэ, суолталаах күнү бэлиэтээһини үрдүк таһымнаахтык ыытары сылын аайы күүһүрдэргэ тыл көтөхтө.
Бу күҥҥэ анаан эрдэттэн хоһоон айыытыгар күрэх биллэриллэн, бастыҥнары ааттааннылар - 1 м. Светлана Готовцева, 2 м. Раиса Борисова, 3 м. Августина Березкина. Ол кэннэ мустубут дьон бары күн оһуохайын үҥкүүтүгэр кыттыстылар. Оһуохай кэннэ нэһиилэкпит өрөгөй ырыатын ыллаатыбыт, видеоҕа уһулан үйэтиттибит.
Тэрээһин сүрүн чааһыгар киирдэххэ, нэһиилэк дьиэ кэргэттигэр аналлаах "Толкуйдаа, оонньоо, кыай!" күрэх ыытылынна. Манна дьиэ кэргэттэр 4 түһүмэхтээх күрэххэ бэйэлэрин холонон көрдүлэр. Ол курдук, сахалыы остуол оонньууларыгар - былыргылыы хабылык, иэрэгэй, хаамыска уонна Аҕа дойду сэриитин историятыгар тэттик викторинаҕа күөн көрүстүлэр. Барыта 3 дьиэ кэргэн кытынна - Ядрихинскайдар, Белолюбскайдар, Белолюбскайдар. Викторина сүрүннээн саха литературата төрүттэммитэ 125 сылыгар туһуланан буойун суруйааччыларга уонна нэһилиэк сэриигэ кыттыытын историятыгар ананна.
Тыҥааһыннаах киирсиилэр кэннэ 1 м. - Белолюбскай М.М. дьиэ кэргэнэ, 2 м. -Белолюбскай А.П. дьиэ кэргэнэ, 3 м. - Ядрихинскай А.А. дьиэ кэргэнэ ыллылар. Кинилэргэ ааспыт сылга 100 сыллаах үбүлүөйүнэй Н.Н. Тарскай мэтээллэрэ, нэһилиэк урбаанньыттара, тэрийээччилэр олохтообут анал бириистэрэ туттарылыннылар.