Өйдүүбүт, сүгүрүйэбит, ытыктыыбыт!
Бүгүн, о.э. ыам ыйын 5 күнүгэр орто оскуола үөрэнээччилэрин кытары нэһилиэккэ олорор Аҕа дойду сэриитин кыттыылаахтарын оҕолорун кытары көрсүһүү тэрилиннэ. Барыта 7 сэрии кыттыылааҕын оҕото ыалдьыттаатылар. Ол курдук, Бурнашев Николай Алексеевич уола Бурнашев Н.Н., Самсонов Петр Николаевич кыыһа Самсонова Н.П., Ушницкай Семен Дмитриевич кыыһа Ушницкая М.С., Алексеев Петр Павлович кыыһа Готовцева М.П., Ушницкай Прокопий Кузьмич кыыһа Готовцева А.П., Тарскай Николай Дмитриевич кыыһа Семенова И.Н., Гоголев Николай Николаевич кыыһа Ганачевская Е.Н.
Ыалдьыттар оҕолорго анаан аҕаларын тустарынан ахтыылары, кинилэр бойобуой мэтээллэрин, наҕараадаларын, тутта сылдьыбыт малларын илдьэ кэлэн көрдөрдүлэ\р билиһиннэрдилэр. Хас биирдиилэрэ аҕаларын бойобуой суолун туһунан кэпсээтилэр. Үөрэнээччилэр бары болҕойон олорон иһиттилэр, сэргээтилэр.
Буойуттар оҕолорун кэпсээннэрин түмүгүнэн үөрэнээччилэр икки хамаандаҕа арахсан тэттик ыйытыктарга хоруйдаатылар. Сөптөөх эппиэттэри ыалдьыттар бэйэлэр сыаналаатылар, кыайыылаахтарга сэмэй бэлэхтэрин туттартаатылар. Ийэ дойдуга бэриниилээх буолууга иитэр уруоктар, кылаас чаастара кэмиттэн кэмигэр ыытылла туралларыгар, биир дойдулаахтарбыт хорсун суоллара, үтүө ааттара ааттаналларыгар баҕа санааларын эттилэр.